ەربولات دوساەۆ تەڭگەنىڭ السىرەۋ سەبەبىن ءتۇسىندىردى

«بيىلعى ناۋرىزدا تەڭگەنىڭ ايىرباستاۋ باعامى كەلەسى سەبەپتەرمەن ءبىر اقش دوللارى ءۇشىن 424,97 تەڭگەگە دەيىن 1,9 پايىزعا السىرەدى. بىرىنشىدەن, وسى جىلعى ناۋرىزدا مۇناي باعاسى ءبىر باررەل ءۇشىن 63,54 اقش دوللارىنا دەيىن 3,9 پايىزعا تومەندەدى. ۆاكتسيناتسيا قارقىنىنىڭ تومەندەۋىنە, جاڭا اگرەسسيۆتى COVID-19 شتامدارىنىڭ پايدا بولۋىنا جانە بارىنشا قاتاڭ وقشاۋلاۋ شارالارىنا ورالۋعا بايلانىستى تاۋەكەلدەر ەنەرگيا تاسىمالداۋشىلارعا سۇرانىستى قالپىنا كەلتىرۋ بويىنشا ينۆەستورلاردىڭ جوسپارلارىنا اسەر ەتتى. بيىلعى ناۋرىزدىڭ قورىتىندىسى بويىنشا اقش-تاعى مۇناي قورى دا ارتتى»,  دەدى ۇب باسشىسى ۇكىمەت وتىرىسىندا.

بۇدان باسقا, قازىناشىلىق وبليگاتسيالار كىرىستىلىگىنىڭ ءوسۋى اياسىندا اقش دوللارى دامۋشى نارىقتاردىڭ ۆاليۋتالارىنا قاتىستى نىعايۋدا.

«ناتيجەسىندە, تۇرىك ليراسى 11,1 پايىزعا, يندونەزيا رۋپياسى – 2 پايىزعا, رەسەي ءرۋبلى 1,6 پايىزعا السىرەدى. بۇل رەتتە, سانكتسيالار تاۋەكەلدەرىنىڭ كۇشەيۋى جالپى ۇردىستەردەن باسقا رەسەي ءرۋبلىنىڭ تەرىس ديناميكاسىنا ىقپال ەتتى. بۇل جاعدايدا رەسپۋبليكالىق بيۋدجەتكە ترانسفەرتتەر ءبولۋ اياسىندا ۇلتتىق قور اكتيۆتەرىن كونۆەرتاتسيالاۋ مەن كۆازيمەملەكەتتىك سەكتور كومپانيالارىنىڭ ەكسپورتتىق ۆاليۋتا ءتۇسىمىنىڭ ءبىر بولىگىن ساتۋى تەڭگەگە قولداۋ كورسەتتى», دەدى ە. دوساەۆ.