حرومتاۋ اۋدانى, اقجار اۋىلىندا جەكەمەنشىك ۇيدە جارىلىس بولىپ, كىرەبەرىس بولمە قۇلاپ قالدى, دەپ حابارلايدى Egemen.kz
بۇگىن ساعات 16:00-دە حرومتاۋ اۋدانى اقجار اۋىلىندا ۇيدە جارىلىس بولىپ, كىرەبەرىس قۇلاپ قالدى. شاقىرتۋ ورنىنا ءورت ءسوندىرۋ ءبولىمىنىڭ بريگاداسى جىبەرىلدى.
«توتەنشە وقيعا كەزىندە حرومتاۋ قالاسىنىڭ اۋرۋحاناسىنا 7 ادام جەتكىزىلدى. ونىڭ ىشىندە ۇشەۋى بالا. زارداپ شەككەندەردىڭ جاعدايى ورتاشا اۋىرلىقتا. قازىرگى ۋاقىتتا ءبارىن دارىگەرلەر ءوز باقىلاۋىنا الدى», دەدى وبلىستىق تجد ءباسپاسوز قىزمەتى.