بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
پوليتسيانىڭ مالىمەتىنە سەنسەك, اپات 8 ساۋىردە كەشكى ساعات التى شاماسىندا قاراساي وڭىرىندە بولعان. سالدارىن ءبىر ادام قايتىس بولدى.
اپات بولعان جەردەن تۇسىرىلگەن ۆيدەو الەۋمەتتىك جەلىلەردە پايدا بولدى.
«الماتى-بىشكەك تاس جولىنىن باتىس باعىتىندا كەلە جاتقان Toyota Estima كولىگىنىن جۇرگىزۋشىسى 22-ءشى شاقىرىمدا تۇرعان گاز-53 جۇك كولىگىن قاعىپ كەتتى. وسىدان كەيىن, سوققى ينەرتسياسىنان جۇك كولىگى جىلجىپ, جولدىڭ سول جاق بەتىندە تۇرعان كاماز-5320 ماركالى جۇك كولىگىنىڭ كابيناسىنا سوعىلعان. اپات سالدارىنان 46 جاستاعى Toyota Estima جۇرگىزۋشىسى وقيعا ورنىندا قايتىس بولدى. سونداي-اق ءتۇرلى سىنىقتارمەن قاسكەلەڭ قالاسىنداعى جاقىن اۋرۋحاناعا 44 جاستاعى جولاۋشى جەتكىزىلدى», دەپ حابارلادى دپ ءباسپاسوز قىزمەتى.
وقيعانىڭ ءمان-جايى ءالى دە ناقتىلانۋدا.