1 ساۋىردەگى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 321 كاسىپورنىندا 6,4 مىڭ جۇمىسكەردىڭ الدىندا 1,007 ملرد تەڭگەدەن استام سوماعا جالاقى بويىنشا بەرەشەكتى انىقتادى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
كاسىپورىنداردىڭ باسشىلارىنا ورىندالۋى مىندەتتى 254 نۇسقاما بەرىلىپ, 27,3 ملن تەڭگەدەن استام سوماعا ايىپپۇل سالىندى.
قابىلدانعان شارالار, سونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 5,5 مىڭنان استام جۇمىسكەردىڭ قۇقىقتارى قورعالدى. ولارعا 947,9 ملن تەڭگە تولەندى.