بيزنەس-قوعامداستىقتى ينۆەستورلىق ۆيزالار, ليتسەنزيالار, سالىق سالۋ, كەدەندىك باجدار, جوسپاردان تىس تەكسەرۋلەر جانە جەر قاتىناستارى ماسەلەلەرى تولعاندىرادى. بۇل تۋرالى Business Integrity Forum بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا.شپەكباەۆ ايتتى, دەپ حابارلايدى Egemen.kz.
ونىڭ ايتۋىنشا, اگەنتتىك مۇددەلى مەملەكەتتىك ورگاندارمەن بىرلەسىپ ولاردى شەشۋ بويىنشا تۇراقتى جۇمىس جۇرگىزۋدە. مىسالى, بۇگىندە ءارتۇرلى ليتسەنزيالار الۋ تولىعىمەن ەلەكتروندى فورماتقا كوشىرىلدى. قازىر ينۆەستيتسيالىق ۆيزانى الۋ تۋرالى ءوتىنىش ينۆەستيتسيالىق كەلىسىمشارت سەكىلدى ونلاين رەجيمدە بەرىلەدى.
ول ەلىمىزدە كورسەتىلەتىن بارلىق مەملەكەتتىك قىزمەتتەردىڭ 93%-ى ەلەكتروندى رەجيمدە قولجەتىمدى ەكەنىن اتاپ ءوتتى. وتكەن جىلدىڭ 1 قاڭتارىنان باستاپ ەلىمىزدە شاعىن بيزنەستى تەكسەرۋگە ءۇش جىلعا موراتوري قولدانىلادى. تەكسەرۋشىلەردىڭ شتاتىن قىسقارتا وتىرىپ, مەملەكەتتىك ورگانداردىڭ باقىلاۋ-قاداعالاۋ فۋنكتسيالارىن وڭتايلاندىرۋ بويىنشا بەلسەندى جۇمىس جۇرگىزىلۋدە.