ەلوردانىڭ بىرقاتار مەكتەبىنە «الاش» قايراتكەرلەرىنىڭ ەسىمدەرى بەرىلمەك. بۇل تۋرالى ءماجىلىس دەپۋتاتتارىنىڭ ساۋالىنا پرەمەر-ءمينيستردىڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى Egemen.kz.
ەرالى توعجانوۆ الاش قايراتكەرلەرىنىڭ ەسىمدەرىن ماڭگىلىك ەستە ساقتاۋ ماقساتىندا وتكەن جىلى نۇر-سۇلتان قالاسىنىڭ ءبىلىم بەرۋ ۇيىمدارىنا احمەت بايتۇرسىن ۇلىنىڭ, ءاليحان بوكەيحاننىڭ, شاكارىمنىڭ ەسىمدەرى بەرىلگەنىن ايتتى.
«قازىرگى ۋاقىتتا تاۋەلسىزدىگىمىزدىڭ 30 جىلدىق مەرەيتويى قارساڭىندا ەلوردانىڭ بىرقاتار ءبىلىم بەرۋ مەكەمەسىنە ءنازىر تورەقۇلوۆتىڭ, مۇستافا شوقايدىڭ, قوشكە كەمەڭگەر ۇلىنىڭ, قانىش ساتباەۆتىڭ, سماعۇل سادۋاقاس ۇلىنىڭ ەسىمدەرىن بەرۋ ماسەلەسى قاراستىرىلىپ جاتىر. الاش قايراتكەرلەرىنىڭ اتىمەن بۇدان باسقا دا 30-دان استام كوشە, 10-عا جۋىق مەكتەپ اتالادى», دەدى ول.
سونداي-اق ول بۇگىنگى كۇنى نۇر-سۇلتان قالاسىندا «الاش» قوزعالىسىنىڭ 30 شاقتى تۇلعاسىنا كوشە اتاۋلارى بەرىلگەنىن اتاپ ءوتتى.