كوكشەتاۋ قالاسىندا ءۇش كولىكتىڭ سوقتىعىسۋىمەن جول اپاتى بولىپ, ءبىر ادام قايتىس بولدى, دەپ حابارلايدى Egemen.kz
اقمولا وبلىستىق پد ءباسپاسوز قىزمەتى تاراتقان اقپاراتقا قاراعاندا جول اپاتى 6 ساۋىردە تۇنگى ساعات 22:00 شاماسىندا كوكشەتاۋ قالاسىنىڭ ن.نازارباەۆ داڭعىلىندا بولعان.
نيسسان, لادا جانە گولف كولىكتەرىنىڭ سوقتىعىسۋى سالدارىنان لادا-گرانتا كولىگىنىڭ جولاۋشىسى ايەل ادام وقيعا ورنىندا كوز جۇمدى.
قازىرگى كەزدە وقيعانىڭ ءمان-جايى انىقتالۋ ۇستىندە. ايتا كەتەيىك, جول اپاتى تۋرالى اقپارات الەۋمەتتىك جەلىدە تارادى. وندا جول اپات ن.نازارباەۆ داڭعىلىنىڭ بويىندا تەننيس ورتالىعىنىڭ ماڭىندا ورىن العانى ايتىلعان.