«قاپلانبەك» كەدەن بەكەتىندە زاڭسىز تاۋارلاردى الىپ وتپەك بولعان تاجىكستان ازاماتى ۇستالدى», دەپ حابارلايدى Egemen.kz تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ ءباسپاسوز قىزمەتىنە سىلتەمە جاساپ.
4-ءشى ساۋىردە رەسەيدەن تاجىكستانعا باعىتتالعان اۆتوكولىكتە «قاپلانبەك» كەدەن بەكەتىندە تۇركىستان وبلىسى مكد-ءنىڭ قىزمەتكەرلەرى قر ۇقق قىزمەتكەرلەرىمەن بىرلەسە جۇرگىزگەن باقىلاۋ, تەكسەرۋ جۇمىستارى كەزىندە دەكلاراتسيالانباعان ورگتەحنيكا تاۋارلارى بارىن انىقتاعان.
تاجىكستان ازاماتى ر.ت. جۇك اۆتوكولىگىمەن تاۋارلاردى زاڭسىز الىپ وتپەك بولعان. ناتيجەسىندە جالپى قۇنى 5 ملن تەڭگەگە جۋىق كومپيۋتەردىڭ جيناقتاۋشى بولىكتەرى بار تاۋارلار تاركىلەندى.
اتالعان فاكت بويىنشا ۇستالعاندار جاۋاپقا تارتىلدى.