جىلدىڭ باسىندا 56 جاستاعى ەر ادام گلۋبوكوە اۋداندىق پوليتسيا ءبولىمىنىڭ «102» جەدەل ارناسىنا قوڭىراۋ شالىپ, تانىسى وسكەمەندەگى گەس-كە جارىلعاش زات ورناتىلعانىن حابارلاعان.
حابار العان پوليتسيا قىزمەتكەرلەرى مەن ارنايى ماماندار گەس اۋماعىن تۇگەل تەكسەرگەن. الايدا حابارلاما جالعان بولىپ شىقتى.
انىقتالعانداي, ەكى ەر ادامنىڭ ىشىمدىك ىشكەن. سودان كەيىن ءبىر-بىرىمەن سوزگە كەلىسپەي قالعان. كەك قايتارۋ ماقساتىندا ما ەكەن, ءبىرى جالعان اقپارات ايتىپ, پوليتسياعا قوڭىراۋ سوققان. سوڭى سوتقا اپارىپ سوعارىن سەزبەسە كەرەك.
2021 جىلعى 16 ناۋرىزدا گلۋبوكوە اۋداندىق سوتى 55 جاستاعى ەر ادامدى قر قك 273-بابىندا كوزدەلگەن قىلمىستى جاساعانى ءۇشىن كىنالى دەپ تانىدى جانە وعان 2 جىل 6 اي مەرزىمگە باس بوستاندىعىن شەكتەۋ جازاسى تاعايىندالدى. سوت ۇكىمى 31.03.2021 جىلى زاڭدى كۇشىنە ەندى.