ەكولوگيا مينيسترلىگى بالىق اۋلاۋعا شەكتەۋلەر ەنگىزدى

ەكولوگيا, گەولوگيا جانە تابيعي رەسۋرستار مينيسترلىگى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قر زاڭى جانە قر اشم ورمان شارۋاشىلىعى جانە جانۋارلار دۇنيەسى كوميتەتىنىڭ 2015 جىلعى 24 شىلدەدەگى بۇيرىعى بويىنشا قازاقستاندا بالىقتاردىڭ ۋىلدىرىق شاشۋى جانە كوبەيۋى كەزەڭىندە بالىق اۋلاۋعا جىل سايىن شەكتەۋلەر ەنگىزىلەتىنىن حابارلايدى.

بۇل شارالار وتە ماڭىزدى, ويتكەنى كەيبىر بالىق تۇرلەرىنىڭ پوپۋلياتسياسى ەداۋىر ازايىپ نەمەسە مۇلدەم جويىلىپ كەتۋى مۇمكىن. مۇندايعا جول بەرمەۋ ءۇشىن سۋ باسسەيندەرىندە بالىق اۋلاۋ زيان تيگىزۋى مۇمكىن ناقتى كۇندەر انىقتالادى.

مىسالى, ارال-سىرداريا باسسەينى بويىنشا شاردارا سۋ قويماسى سۋ ايلاعىنان 1 ءساۋىر مەن 20 مامىر ارالىعىندا, تۇركىستان وبلىسى شەگىندەگى سۋ ايدىنداردا جانە شاردارا سۋ قويماسىنان قىزىلوردا وبلىسىنىڭ اكىمشىلىك شەكاراسىنا دەيىنگى سىرداريا وزەنىندە 15 ءساۋىر مەن 31 مامىردى قوسا العانداعى ارالىقتا بالىق اۋلاۋعا تىيىم سالىندى.

بالقاش-الاكول باسسەينى بويىنشا بالقاش كولىندە 15 ءساۋىر مەن 1 ماۋسىم ارالىعىندا, قاپشاعاي سۋ قويماسىندا جانە وعان قۇياتىن بارلىق وزەندەر مەن اعىن سۋلاردا 5 ءساۋىر مەن 20 مامىر ارالىعىندا بالىق اۋلاۋعا تىيىم سالىنادى.

ەرتىس باسسەينى, قاراقاستان باستاپ ءبىرىنشى باتين شوقىسىنا دەيىن بۇقتىرما سۋ قويماسىنىڭ كول-وزەن بولىگىندە 16 ءساۋىر مەن 30 مامىر ارالىعىندا, بۇقتىرما سۋ قويماسىنىڭ تەرەڭ سۋ بولىگىندە ءبىرىنشى باتين شوقىسىنىڭ باسىنان باستاپ اعىستى بويلاپ تومەن قاراي بۇقتىرما گەس-نە دەيىن 1 مامىر مەن 15 ماۋسىم ارالىعىندا بالىق اۋلاۋعا تىيىم سالىندى.

ەسىل باسسەينىنىڭ سۋ ايدىندارىندا شورتان, اققايران جانە كوكسەركە اۋلاۋعا (اۋلاۋعا, جيناۋعا, دايىنداۋعا) 15 ساۋىردەن 15 مامىرعا دەيىن, سازان (تۇقى) 20 مامىردان 20 ماۋسىمعا دەيىن, گاممارۋس 1 تامىزدان 14 قىركۇيەككە دەيىن جانە باسقالارعا تىيىم سالىنادى.

نۇرا-سارىسۋ باسسەينىندە 20 ساۋىردەن 20 مامىرعا دەيىن كوكسەركە, 1 مامىردان 30 ماۋسىمعا دەيىن سازان (تۇقى) اۋلاۋعا تىيىم سالىندى. توبىل-تورعاي باسسەينى شەڭبەرىندە قوستاناي وبلىسىنىڭ ارقالىق قالاسى, امانگەلدى, جانگەلدين اۋداندارىنىڭ سۋ ايدىندارىندا 20 ناۋرىزدان باستاپ 20 ساۋىرگە دەيىن شورتان, سازان (تۇقى), تابان, لاي, كوكسەركە اۋلاۋعا 20 ساۋىردەن باستاپ 30 مامىرعا دەيىن تىيىم سالىنادى.

جايىق-كاسپي باسسەينى مەن قيعاش وزەنى بويىنشا 25 مامىردان باستاپ 31 تامىزعا دەيىن كاسپي تەڭىزىنىڭ قازاقستاندىق سەكتورىنىڭ سولتۇستىك بولىگىنىڭ سۋ ايدىنىندا, 1 ساۋىردەن باستاپ 31 تامىزعا دەيىن جايىق جانە قيعاش وزەندەرىنىڭ قوسالقى سۋ ايدىندارىندا بالىق اۋلاۋعا تىيىم سالىندى. سونداي-اق, 1 ناۋرىز بەن 1 شىلدە ارالىعىندا شۋ-تالاس باسسەينىنىڭ بيلىكول, بوگەتكول جانە اقكول كولدەرىن ءوزارا بايلانىستىراتىن اسا وزەنىندە جانە ونىڭ سالالارىندا بالىق اۋلاۋعا تىيىم سالىنادى.