پالاتا توراعاسى ماۋلەن اشىمباەۆتىڭ توراعالىق ەتۋىمەن بيۋرو وتىرىسى بولدى. وندا دەپۋتاتتار 2021 جىلعى 8 ساۋىردە وتەتىن سەناتتىڭ الداعى وتىرىسىنىڭ كۇن ءتارتىبىن تالقىلادى, دەپ حابارلايدى Egemen.kz.
سەناتورلار پالاتانىڭ الداعى وتىرىسىندا "قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى" زاڭ جوباسىن قارايدى.
كەلىسىم ەكى ەل اراسىنداعى كوشى-قون پروتسەستەرىن رەتتەۋ جونىندەگى مالىمەتتەر الماسۋدى وڭايلاتۋعامۇمكىندىك بەرەدى. وسىلايشا, تاراپتار ستاتيستيكالىق, قۇقىقتىق جانە عىلىمي-ادىستەمەلىك اقپاراتتى, سونداي-اق ولاردىڭ اۋماعىنداعى ەكى مەملەكەتتىڭ ازاماتتارى تۋرالى مالىمەتتەردى الماسا الادى.
سونداي-اق سەنات دەپۋتاتتارى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۋريستىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن تالقىعا سالادى.
ەلىمىزدە تۋريستىك باسىمدىققا يە توپ-10 اۋماق بەلگىلەنەتىن بولادى. ەگەر ينۆەستورلار ول جەرلەردەتۋريستىك وبەكتىلەردىڭ قۇرىلىسىن باستاۋدى ۇيعارسا, وندا سول كاسىپكەرلەرگە جەڭىلدىكتەر بەرىلەدى.
بيۋرو وتىرىسى بارىسىندا ماجىلىستەن كەلىپ تۇسكەن زاڭ جوبالارى سەناتتىڭ تۇراقتى كوميتەتتەرىنە ءبولىنىپ بەرىلدى.