ساران قالاسىندا شينا شىعاراتىن زاۋىتتىڭ قۇرىلىسى باستالدى

جوبانى «الليۋر» كومپانيالار توبى» اق جانە «تاتنەفت» جاق بىرلەسكەن كاسىپورنى – «KamaTyresKZ» جشس جۇزەگە اسىرادى. زاۋىتتىڭ وندىرىستىك قۋاتى ءبىرىنشى كەزەڭدە جىل سايىن 3,5 ملن كوپبەيىندى شينانى قۇرايدى, كەيىننەن جىلىنا 9 ملن شيناعا دەيىن جەتكىزىلەدى. زاۋىت قر اۆتوموبيل ءوندىرىسىن وقشاۋلاۋ دەڭگەيىن ارتتىرۋعا جانە شينالار يمپورتىن الماستىرۋدى قامتاماسىز ەتۋگە مۇمكىندىك بەرەدى. بۇل رەتتە ءونىمنىڭ 40%-ىن ەكسپورتتاۋ جوسپارلانۋدا. جوبانى 2022 جىلدىڭ سوڭىندا ىسكە اسىرۋ جوسپارلانعان. ينۆەستيتسيالاردىڭ جالپى كولەمى 125 ملرد تەڭگەنى قۇرايدى.زاۋىتتا 1100-دەن استام جوعارى بىلىكتى جاڭا جۇمىس ورىندارى قۇرىلاتىن بولادى. كاسىپورىن پەرسونالى «تاتنەفت» جاق شينا كاسىپورىندارىندا تاعىلىمدامادان وتە باستادى. ۇكىمەت باسشىسى شينا زاۋىتىن سالۋ جوباسى قازاقستان مەن رەسەي اراسىنداعى ونەركاسىپتىك كووپەراتسيانىڭ ناقتى ءىس جۇزىندە كەڭەيگەنىن ايعاقتايتىنىن اتاپ ءوتتى.

«ساران قالاسىندا شينا زاۋىتىن سالۋ قاراعاندى وبلىسىنىڭ جانە جالپى قازاقستاننىڭ ەكونوميكاسىنا مۋلتيپليكاتيۆتى اسەرىن تيگىزەدى, ونىڭ باسەكەگە قابىلەتتىلىگىن ارتتىرادى جانە جوعارى بىلىكتى جاڭا جۇمىس ورىندارىن قۇرادى. زاۋىت وڭىردەگى ەڭ ءىرى زاۋىتتاردىڭ بىرىنە اينالادى, ونىڭ ونىمدەرى جوعارى ەكسپورتتىق الەۋەتكە يە بولادى», دەدى ا. مامين.

تاتارستان پرەزيدەنتى ر. ميننيحانوۆ ءوز سوزىندە قازاقستان تاتارستاننىڭ جەتەكشى شەتەلدىك سەرىكتەستەرىنىڭ ءبىرى بولىپ تابىلاتىنىن اتاپ ءوتتى. 2020 جىلى پاندەمياعا قاراماستان تاۋار اينالىمى 14%-عا ءوسىپ, $630 ملن-نان استى.«شينا زاۋىتىنىڭ سالىنۋى مەن ىسكە قوسىلۋى قازاقستاننىڭ قارقىندى الەۋمەتتىك-ەكونوميكالىق دامۋىن قامتاماسىز ەتۋ جونىندەگى شارالار كەشەنىنىڭ ماڭىزدى ەلەمەنتىنە اينالاتىنىنا, سونداي-اق رەسەي فەدەراتسياسى مەن قازاقستان رەسپۋبليكاسىنىڭ قارىم-قاتىناسىن نىعايتۋ جولىندا تاتارستان-قازاقستان ىنتىماقتاستىعىن ودان ءارى ارتتىرۋعا تۇرتكى بولادى دەپ سەنەمىن», دەدى ول.

رتب اۋدانىنداعى يندۋستريالىق ايماق اۋماعىندا شينا زاۋىتىنىڭ قۇرىلىسى ءۇشىن بەتون قۇيۋ راسىمىنە قاراعاندى وبلىسىنىڭ اكىمى جەڭىس قاسىمبەك, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, «تاتنەفت» جاق باس ديرەكتورى نايل ماگانوۆ, «الليۋر» كومپانيالار توبى» اق ديرەكتورلار كەڭەسىنىڭ توراعاسى اندرەي لاۆرەنتەۆ جانە «KamaTyresKZ» جشس ديرەكتورى الەكساندر سمىشلياەۆ قاتىستى.

قر پرەمەر-ءمينيسترى ا. مامين مەن تاتارستان پرەزيدەنتى ر. ميننيحانوۆتىڭ قاتىسۋىمەن «قازمۇنايگاز» ۇك» اق مەن «تاتنەفت» جاق اراسىندا بيتۋمدى موديفيكاتسيالاۋدا, ادگەزيۆتەردى, جەلىمدەردى, رەزەڭكەلەر مەن ەكولوگيالىق تازا شينالاردى دايىنداۋدا قولدانىلاتىن بۋتاديەن كاۋچۋكتەرىن ءوندىرۋ جوباسى بويىنشا ىنتىماقتاستىقتىڭ بازالىق شارتتارى تۋرالى كەلىسىمگە قول قويىلدى. جوبانى ىسكە اسىرۋ مەرزىمى – 2021-2025 جىلدارى, ءوندىرىس قۋاتى جىلىنا 186 مىڭ توننا بۋتاديەن كاۋچۋگى مەن 170 مىڭ توننا يزوبۋتاندى قۇرايتىن بولادى.بۇدان باسقا يندۋستريا جانە ينفراقۇرىلىمدىق دامۋ مينيسترلىگى مەن «تاتنەفت» جاق اراسىندا قازاقستاندا بيتۋم زاۋىتىن سالۋ نيەتى تۋرالى كەلىسىمگە قول قويىلدى.  

قاراعاندى وبلىسىنا جۇمىس ساپارى اياسىندا قازاقستان ۇكىمەتىنىڭ باسشىسى مەن تاتارستان پرەزيدەنتى سونىمەن قاتار «سولتۇستىك-وڭتۇستىك» باعىتى بويىنشا اۋىل شارۋاشىلىعى ونىمدەرىنىڭ ساۋدا اعىمىن بايلانىستىرىپ وتىرعان قر-داعى ەڭ ءىرى «Global City» كوتەرمە-تاراتۋ ورتالىعىنىڭ جۇمىسىمەن تانىستى.