بۇل كۇندەرى قازاندا جۇزۋدەن رەسەيدىڭ اشىق بىرىنشىلىگى وتۋدە. بۇل جارىستا جەرگىلىكتى سپورتشىلاردان بولەك, تاعى بىرقاتار مەملەكەتتىڭ وكىلدەرى باق سىناۋدا.
قازاقستان قۇراما كومانداسى مۇشەلەرى اراسىندا دميتري بالاندينگە ەرەكشە ءۇمىت ارتقان ەدىك. 4 ساۋىردە 26 جاسقا تولعان ريو وليمپياداسىنىڭ جەڭىمپازى 100 مەتگە براسس ادىسىمەن جۇزۋدە سايىسقا ءتۇسىپ, فينالدا ونەر كورسەتتى. وكىنىشكە قاراي, شەشۋشى سىندا جەرلەسىمىزدىڭ جولى بولمادى. بەلگىلەنگەن مەجەنى 59.81 سەكۋندتا ءجۇزىپ وتكەن بالاندين ءتورتىنشى ورىندا قالىپ قويدى. بۇل قاشىقتىقتا سانكت-پەتەربۋرگتەن كەلگەن كيريلل پريگودا باس جۇلدەنى ولجالادى. الەم چەمپيوناتىنىڭ ءۇش دۇركىن قولا جۇلدەگەرىنىڭ كوسرەتكىشى – 59.11. وليمپيا ويىندارىنىڭ قولا جۇلدەگەرى, ماسكەۋلىك انتون چۋپكوۆ (59.47) كۇمىس مەدالدى يەلەنسە, كراسنويارسكىلىك الەكساندر پالاتوۆ (59.59) قولاعا قول سوزدى.
50 مەترگە باتتەرفلياي ادىسىمەن جۇزگەن ادىلبەك مۋسين بەسىنشى ورىنعا تابان تىرەدى. قانداسىمىزدىڭ كورسەتكىشى – 23,67. بۇل سايىستا العاشقى جۇلدەلى ورىنداردىڭ بارلىعىن رەسەيلىك جۇزۋشىلەر يەلەندى.