533 ميلليون Facebook قولدانۋشىسىنىڭ تەلەفون ءنومىرى مەن جەكە دەرەكتەرى ينتەرنەتتە تارالىپ كەتتى.
كەزەكتى شاعىن حاكەرلەر فورۋمدارىنىڭ بىرىندە قاتىسۋشىلاردىڭ ءبىرى الەۋمەتتىك جەلى قولدانۋشىلارى جايلى قۇپيا اقپاراتتى ينتەرنەتتە جاريالاعان. اشىق دەرەكتەرگە 106 ەلدەن 533 ميلليوننان استام ادامنىڭ مالىمەتى تاراعان. ولاردىڭ ىشىندە اقش-تان 32 ميلليون, ۇلىبريتانيادان 11 ميلليون, ءۇندىستاننان 6 ميلليون قولدانۋشى جايلى اقپارات بار. وندا الەۋمەتتىك جەلىگە تىركەلگەن ازاماتتاردىڭ تەلەفون نومىرلەرى, Facebook يدەنتيفيكاتورلارى, تولىق اتى-ءجونى, تۇرىپ جاتقان جەرى, تۋعان كۇنى, ءومىربايانى جانە كەيبىر جاعدايلاردا ەلەكتروندى پوشتا مەكەنجايلارى بار.
Insider ينتەرنەتتە تاراعان دەرەكتەردىڭ ۇلگىسىن قاراپ شىعىپ, Facebook-ءتىڭ كەيبىر پايدالانۋشىلارىنىڭ تەلەفون نومىرلەرىن دەرەكتەر جيناعىندا كورسەتىلگەن يدەنتيفيكاتورلارمەن سايكەستەندىرۋ ارقىلى بىرنەشە جازبانى تەكسەرىپ كورگەن.
Facebook وكىلى باسىلىمعا دەرەكتەردىڭ ۇرلانۋىنا كومپانيانىڭ 2019 جىلى ەنگىزگەن تۇزەتۋلەرىنىڭ السىزدىگى سەبەپ بولۋى مۇمكىن ەكەنىن ايتقان. ينتەرنەتتە كەز كەلگەن ادامعا قولجەتىمدى بۇل اقپارات كيبەرقىلمىسكەرلەردىڭ قولىنا تۇسسە, قولدانۋشىلاردى الداپ سوعۋى ابدەن مۇمكىن.