ەركىن كۇرەستەن قازاقستان ۇلتتىق قۇراما كومانداسى قۇرلىقتىق ليتسەنزيالىق تۋرنير مەن ازيا چەمپيوناتىنا قىزۋ دايىندىقتى باستادى. ماڭىزدى جارىس الدىندا ۇلتتىق قۇراما «اقبۇلاق» وليمپيادالىق ورتالىعىندا شەبەرلىگىن شىڭداۋدا, دەپ حابارلايدى Egemen.kz Olympic.kz سايتىنا سىلتەمە جاساپ.
ەركىن كۇرەس بالۋاندارىنىڭ وقۋ-جاتتىعۋ جيىندارى 31 ناۋرىز كۇنى باستالعان. اتالعان جاتتىعۋ جيىنى قۇرلىقتىق دوداعا دايىندىقتىڭ ەكىنشى كەزەڭى.
الماتى وبلىسىندا وتكىزىلىپ جاتقان جيىنعا قاتىسۋعا بارلىعى 23 بالۋان شاقىرتۋ العان.
ولار: داۋلەت تەمىرجانوۆ, ادلان اسكاروۆ, سىرباز تالعات, داۋلەت نيازبەكوۆ, نۇرقوجا قايپانوۆ, عالىمجان وسەرباەۆ, ەلحان اسادوۆ, الىشەر ەرعالي, ولەگ بولتين, جاۆوحير يريستاەۆ, سالامات ماليكوۆ, مەيىرجان اشيروۆ, ەسقالي داۋلەتقازى, ەرالى ابدىراشەۆ, رۇستەم مىرزاعاليەۆ, ەلامان قادىرسەيىت, سانجار دوجانوۆ, قۋانىش جۇماش, ۆلاديسلاۆ ميكولايچۋك, ازامات داۋلەتبەكوۆ, يۋسۋپ باتىرمۋرزاەۆ, سەرىك باحىتحانوۆ, دانيار قايسانوۆ.
ۇلتتىق قۇرامانى جاۋاپتى سىنعا باس باپكەر اسەت سەرىكباەۆ دايىنداپ جاتىر.