قازاقستاندىق اككرەديتتەۋ اگەنتتىكتەرى ورتالىق ازيا ۋنيۆەرسيتەتى, اقتاۋ گۋمانيتارلىق-تەحنيكالىق ۋنيۆەرسيتەتى (بۇرىنعى قازاقستان تەڭىز ۋنيۆەرسيتەتى) جانە «استانا» ۋنيۆەرسيتەتىنىڭ اككرەديتتەۋ تۋرالى كۋالىكتەرىن كەرى قايتارىپ الدى. ء«بىلىم تۋرالى» زاڭعا سايكەس ليتسەنزياسىز جانە اككرەديتاتسياسىز جوعارى وقۋ ورىندارى ديپلوم بەرە المايدى, دەپ حابارلايدى Egemen.kz بعم ءباسپاسوز قىزمەتىنە سىلتەمە جاساپ.
اككرەديتتەۋدىڭ تاۋەلسىز قازاقستاندىق ورتالىعى اقتاۋ گۋمانيتارلىق-تەحنيكالىق ۋنيۆەرسيتەتى مەن «استانا» ۋنيۆەرسيتەتىنە قابىلداعان شەشىمى تۋرالى رەسمي حات جىبەردى.
ء«بىزدىڭ ۇيىم وقۋ ورىندارىنىڭ ءبىلىم بەرۋ باعدارلامالارىن ساراپتاپ, ساپا ستاندارتتارىنا سايكەستىگىن انىقتاۋعا جانە ولارعا اككرەديتاتسيا بەرۋ جۇمىستارىنا جاۋاپتى. اتالعان ەكى جوعارى وقۋ ورنى ءبىزدىڭ ساراپشىلارىمىزدى وقۋ عيماراتتارىنا كىرگىزبەي, اككرەديتتەۋدەن كەيىن جۇرگىزىلەتىن مونيتورينگ جۇمىستارىنا كەدەرگى جاسادى. سوندىقتان ءبىز ولاردىڭ اككرەديتاتسيالارىن كەرى قايتارىپ الۋ تۋرالى شەشىم قابىلدادىق», دەدى «اككرەديتتەۋدىڭ تاۋەلسىز قازاقستاندىق ورتالىعى» كوممەرتسيالىق ەمەس ۇيىمنىڭ ديرەكتورى بەگالى حالمۇراتوۆ.
ايتا كەتەيىك, بۇل جوعارى وقۋ ورىندارى بۇعان دەيىن ءبىلىم جانە عىلىم مينيسترلىگىنىڭ وكىلدەرىنە دە جوسپارلى تەكسەرۋلەر جۇرگىزۋگە كەدەرگى كەلتىرگەن بولاتىن. جوسپارلى تەكسەرۋ جۇمىستارى بولاتىنى تۋرالى الدىن الا حاباردار بولعانىن ەسكەرۋ قاجەت. مينيسترلىك پەن اتالعان جوعارى وقۋ ورىندارى اراسىنداعى سوت پروتسەدۋرالارىنىڭ جۇرگىزىلىپ جاتقانىنا ءبىر جارىم جىل بولدى.
اككرەديتتەۋ جانە رەيتينگتىڭ تاۋەلسىز اگەنتتىگى دە (ناار/IAAR) اككرەديتتەۋدەن كەيىنگى مونيتورينگ قورىتىندىسى بويىنشا ورتالىق ازيا ۋنيۆەرسيتەتىنىڭ اككرەديتاتسياسىن كەرى قايتارىپ الدى.
«اككرەديتتەۋ جانە رەيتينگتىڭ تاۋەلسىز اگەنتتىگىنىڭ (IAAR) راسىمدەرىنە سايكەس ءبىلىم بەرۋ ۇيىمدارى اككرەديتتەۋدەن كەيىنگى مونيتورينگتەن ءوتۋى ءتيىس. بۇل مونيتورينگ كەزىندە وقۋ ورنىنا بەرىلگەن ۇسىنىمداردىڭ ورىندالۋى تەكسەرىلەدى. ورتالىق ازيا ۋنيۆەرسيتەتى اككرەديتتەۋدەن كەيىنگى مونيتورينگ راسىمىنەن وتۋدەن باس تارتتى جانە IAAR ۇسىنىمدارىنىڭ ورىندالۋى تۋرالى ەسەپتى بەرمەدى. وسىعان سايكەس IAAR اككرەديتتەۋ كەڭەسى جوعارى وقۋ ورنىنىڭ اككرەديتتەۋ تۋرالى كۋالىگىن قايتارىپ الۋ تۋرالى شەشىم قابىلدادى», دەدى «اككرەديتتەۋ جانە رەيتينگتىڭ تاۋەلسىز اگەنتتىگى» كوممەرتسيالىق ەمەس ۇيىمنىڭ باس ديرەكتورى الينا جۇماعۇلوۆا.
سونداي-اق «اتامەكەن» ۇلتتىق كاسىپكەرلەر پالاتاسىنىڭ ادامي كاپيتالدى دامىتۋ دەپارتامەنتىنىڭ ديرەكتورى ازامات بەيسەنبەنوۆ جۇمىس بەرۋشىلەر بۇل جوعارى وقۋ ورىندارىنىڭ ءبىلىم ساپاسىنا قاناعاتتانبايتىنىن اتاپ ءوتتى. وقۋ ورنىندا بولاشاق ماماندارعا ءبىلىم مەن كاسىبي داعدىلار قاجەتتى دەڭگەيدە بەرىلمەيدى.
«بۇل ۋنيۆەرسيتەتكە قاتىستى ءبىراز دۇنيەنى ايتۋعا بولادى. مىسالى, جوعارى وقۋ ورىندارى بويىنشا جاسالعان 2020 جىلعى رەيتينگ قورىتىندىسىن الىپ قارايىق. ورتالىق ازيا ۋنيۆەرسيتەتىنىڭ ءبىلىم بەرۋ باعدارلامالارىنىڭ ساپاسى مەن وزەكتىلىگىنە جۇمىس بەرۋشىلەردىڭ قاناعاتتانۋ كورسەتكىشى نەبارى 32 پايىزدى قۇرايدى. ساراپشىلار جوعارى وقۋ ورنى ۇسىنىپ وتىرعان ءبىلىم بەرۋ باعدارلامالارى ايتارلىقتاي پىسىقتاۋدى تالاپ ەتەتىنىن اتاپ ءوتتى. ۋنيۆەرسيتەتتە وقىتىلاتىن پاندەردىڭ مازمۇنى باسقا پاندەردەن سوزبە-ءسوز كوشىرىلگەن, ايىرماشىلىق تەك ءپان اتاۋلارىندا. مۇندايعا جول بەرۋگە بولمايدى. ورتالىق ازيا ۋنيۆەرسيتەتىنە قاتىستى قاتاڭ شارالار قابىلداۋ قاجەت», دەدى «اتامەكەن» ۇكپ دەپارتامەنت ديرەكتورى ازامات بەيسەنبەنوۆ.
ءبىلىم جانە عىلىم مينيسترلىگى, اككرەديتتەۋ اگەنتتىكتەرى جانە جۇمىس بەرۋشىلەر جوعارى ءبىلىم ساپاسىن ارتتىرۋ بويىنشا ورتاق ماقساتتارعا قول جەتكىزۋ ءۇشىن بىرلەسىپ جۇمىس ىستەپ جاتىر.
«ەستەرىڭىزدە بولسا, ءدال وسى ءۇش جوعارى وقۋ ورنى بىزگە دە تەكسەرۋ جۇمىستارىن جۇرگىزۋگە كەدەرگى جاسادى. وسىعان دەيىن جۇرگىزىلگەن تەكسەرۋلەر ناتيجەسىندە بۇل وقۋ ورىندارىندا بىرقاتار بۇزۋشىلىق انىقتالعان بولاتىن. اككرەديتاتسيالارى بويىنشا دا پروبلەمالارى بولدى. وتكەن جىلى تۇلەكتەرى ديپلومدارىن ۋاقىتىلى الا الماي قينالعان ەدى. سالدارىنان ماگيستراتۋراعا وقۋعا ءتۇسۋ نەمەسە جۇمىسقا تۇرۋعا بايلانىستى قيىندىقتارعا تاپ بولدى. وكىنىشكە وراي, بۇل جوعارى وقۋ ورىندارىندا وقۋىن جالعاستىرىپ جاتقان ستۋدەنتتەر بۇل جاعدايدان ساباق المادى. بيىل دا كادرلاردى دايىنداۋ ساپاسىنا قاتىستى سول ماسەلەلەر كوتەرىلىپ جاتىر. ەندى بۇل وقۋ ورىندارى بۇعان دەيىن جۇرگىزگەن تەكسەرۋلەرىمىزدىڭ ناتيجەلەرى بويىنشا ءتيىستى شەشىم قابىلداۋىمىزعا كەدەرگى كەلتىرىپ, ءتۇرلى امالدارىمەن ۋاقىتتى سوزىپ جاتىر», دەدى قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.