كوروناۆيرۋس ىندەتىنە قارسى ءىس-قيمىل جونىندەگى جيىن بارىسىندا پرەزيدەنت قاسىم-جومارت توقاەۆ سالىقتىق جانە كەدەندىك بەرەشەكتەردى ماجبۇرلەپ ءوندىرىپ الۋدى توقتاتا تۇرۋ كەرەكتىگىن ايتتى, دەپ حابارلايدى Egemen.kz
«قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانككە ەكونوميكانىڭ زارداپ شەككەن سەكتورلارىنداعى شاعىن جانە ورتا بيزنەستىڭ كرەديتتەرى بويىنشا تولەمدەرىن كەيىنگە شەگەرۋ مۇمكىندىكتەرىن پىسىقتاۋدى تاپسىرامىن», دەدى پرەزيدەنت.
سونىمەن قاتار مەملەكەت باسشىسى ەڭ الدىمەن ۇكىمەتكە زارداپ شەككەن سالالارداعى شاعىن جانە ورتا بيزنەس سۋبەكتىلەرى ءۇشىن جەكەلەگەن سالىقتار مەن تولەمدەردى تولەۋدى كەيىنگە شەگەرۋ ماسەلەسىن جەدەل پىسىقتاۋدى تاپسىردى.
«ەكىنشىدەن, سالىقتىق جانە كەدەندىك بەرەشەكتەردى ماجبۇرلەپ ءوندىرىپ الۋدى توقتاتا تۇرۋ كەرەك. بۇل شارالار شىن مانىندە جاپپاي ۆاكتسيناتسيالاۋ باستالعانعا جانە شەكتەۋلەردىڭ باسىم بولىگى الىنعانعا دەيىن قولدانىستا بولۋى ءتيىس», دەدى قاسىم-جومارت توقاەۆ.