28 ناۋرىز كۇنى الماتى قالاسىندا اباي داڭعىلى مەن بايتۇرسىنوۆ كوشەسىنىڭ قيىلىسىندا بولعان جول اپاتىنان زارداپ شەككەن موپەدتىڭ جولاۋشىسى قالالىق اۋرۋحانالاردىڭ بىرىندە قايتىس بولدى, دەپ حابارلايدى Egemen.kz
الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك: «قازىرگى ۋاقىتتا بۇل فاكت بويىنشا الماتى قالاسى پد تەرگەۋ باسقارماسىندا قر قك 345-بابى, 3-بولىگى بويىنشا تەرگەۋ ءجۇرىپ جاتىر», دەپ ايتىپ ءوتتى.
بۇعان دەيىن جول اپاتىنىڭ ۆيدەوسى الەۋمەتتىك جەلىدە تاراعان بولاتىن.
ايتا كەتەيىك, سول كۇنى ساعات 22:00 شاماسىندا موپەد جۇرگىزۋشىسى اباي داڭعىلىمەن باتىس باعىتتا كەلە جاتىپ, بايتۇرسىنوۆ كوشەسىنىڭ قيىلىسىندا باعدارشامنىڭ ەسكەرتۋ سيگنالىنا قاراماستان ءوتىپ كەتپەك بولعان. سالدارىنان «Toyota RAV4» اۆتوكولىگىمەن سوقتىعىستى. اپاتتان موپەد جۇرگىزۋشىسى مەن ونىڭ جولاۋشىسى ءتۇرلى دەنە جاراقاتىن الىپ, اۋرۋحاناعا جەتكىزىلگەن ەدى.