تىگىن ماشيناسىن الىپ, تابىس تابۋعا كىرىستى

سونداي-اق جوباعا قاتىسقان ءتورت كەلىنشەك تۇراقتى ەڭبەكاقىسى بار تىگىنشىلىك جۇمىسقا ورنالاستى. 13 ايەل جەكە كاسىپكەر رەتىندە تىركەلىپ, ءوز ىستەرىن اشسا, كوپ بالالى ءۇش ايەلگە تىگىنشىلىك قۇرال-جابدىقتاردى ساتىپ الۋعا قايتارىمسىز گرانت بەرىلدى.

جوبانىڭ نەگىزگى شارتى بويىنشا الەۋمەتتىك جاعىنان از قامتىلعان وتباسىلاردىڭ قىز-كەلىنشەكتەرى قولونەر, تىگىنشىلىك كۋرستارىن اياق­تاعان سوڭ بىردەن تابىس تابۋى ءتيىس بولاتىن. وتكەن جىلدىڭ ناۋرىزىندا الەۋمەتتىك جوبانىڭ باستالعانى تۋرالى حابارلاندىرۋ جاريالانعان بويى وعان قاتىسۋعا تىلەك بىلدىرگەن قىز-كەلىنشەكتەر تى­گىن­شىلىك پەن قولدانبالى ونەر بويىنشا شەبەرلىك ساباقتارىمەن قوسا بيزنەس جۇرگىزۋدىڭ قىر-سىرىن دا وقي باستادى. وسىنداي ناقتى قولداۋدىڭ ارقاسىندا بۇرىن اتاۋلى الەۋمەتتىك جاردەماقىدان باسقا تابىس كوزى جوق بىرنەشە اقتو­بەلىك ايەل كاسىپكەرلىكتىڭ قىر-سىرىن مەڭگەرۋگە كىرىستى.

«اتامەكەن» وڭىرلىك كاسىپكەرلەر پالاتاسىنىڭ ديرەكتورى سۇلۋپان شىنتاسوۆا, جوبا قاتىسۋشىلارى ءۇشىن اسپازدىق شەبەرلىك ساباعىن ۇيىم­داستىرعان «تاكسيم» جشس باسشىسى كۇلشات ماساليموۆا, «Samal_cاkes» جك باسشىسى سامال اسانوۆا وقۋ كۋرستارىن اياق­تاپ, ءوز ىستەرىن باستا­عان جوبا قاتىسۋشىلارىنا اقىل-كەڭەس­تە­رىن ايتىپ, تاجىريبەلەرىمەن ءبولىستى. ءبىر جىل بويى تىگىنشىلىكتى مەڭگەرىپ, قازىر جەكە تاپسىرىستاردى قابىلداي باستاعان شالقار اۋدانىنان كەلگەن كوپ بالالى انا الماگۇل سەيىتوۆا ۇيىمداس­تى­رۋ­شى­لارعا العىسىن ءبىل­دىر­دى.

جاقىندا وسى جوبا اياسىندا اس­پاز­دىق كۋرستار دا اشىلدى. جيىن سوڭىندا ءدامدى تاعامدار ازىرلەۋدىڭ قىر-سىرىن ۇيرەنىپ جاتقان 30 كەلىنشەككە نان ونىم­دەرىن پىسىرەتىن پەشتەر تابىس ەتىلدى. ايتا كەتۋ كەرەك, وتكەن جىلى اقتوبە وبلىسىندا 298 كوپ بالالى انا قىسقا مەرزىمدى كاسىبي دايىندىق كۋرس­تارىندا وقىپ, 514 كوپ بالالى جانە از قامتىلعان وتباسى انالارىنىڭ ارقاي­سىسى 555,6 مىڭ تەڭگە كولەمىندە قايتا­رىمسىز گرانت الىپ, كاسىپتەرىنە قاجەتتى قۇرال- جابدىقتاردى ساتىپ العان.

اقتوبە وبلىسى