اتىراۋدا قايىرشىلىقتى كاسىپ ەتەتىندەر سانى ءالى دە ازايماي وتىر, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, جىل باسىنان بەرى اتىراۋ قالاسى اۋماعىندا قايىرشىلىقپەن اينالىسقان 50-دەن استام ادام اكىمشىلىك جاۋاپكەرشىلىككە تارتىلعان.
«ۋچاسكەلىك پوليتسيا قىزمەتكەرلەرى اتىراۋ قالاسىنداعىقوعامدىق ورىنداردا قايىرشىلىقپەن اينالىساتىنداردى انىقتاۋ, جولىن كەسۋ ماقساتىندا رەيدتىك ءىس-شارالاردى جۇرگىزدى. ءىس-شارا كەزىندە 62 جاستاعى تۇرعىننىڭ اقساي سەلوسىنداعى قوعامدىق ورىندا قايىرشىلىقپەن اينالىسقانى انىقتالدى. وعان قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 449-بابىنىڭ 1-بولىگىمەن (قوعامدىق ورىنداردا ءتيىسۋ) اكىمشىلىك حاتتاما تولتىرىلىپ, 5 ايلىق ەسەپتىك كورسەتكىش كولەمىندە ايىپپۇل سالىندى» دەپ حابارلادى دەپارتامەنتتىڭ ءباسپاسوز قىزمەتىنەن.