سوڭعى تاۋلىكتە الماتىدا 450 ادامنىڭ كوروناۆيرۋستىق ينفەكتسيا جۇقتىرعانى انىقتالدى, دەپ حابارلايدى Egemen.kz.
جالپى بيىلعى جىلدىڭ 1 قاڭتار مەن 26 ناۋرىز ارالىعىندا كۆي جۇقتىرعان 13 236 جاعداي تىركەلدى. 2020 جىل بويىنشا جالپى ەسەبى ىندەتتى جۇقتىرعان 18 521 جاعداي تىركەلگەن.
الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا, تۇرعىندار اراسىندا ينفەكتسيانىڭ ءورشۋى, سونىمەن قاتار, بريتاندىق جانە وڭتۇستىك افريكالىق كوروناۆيرۋستىق شتاممداردىڭ قالادا اينالىمىنا بايلانىستى ەكەن.
جاڭا شتامداردىڭ جۇقپالىلىعى الدىڭعى بازالىق شتاممەن سالىستىرعاندا جوعارى. ينفەكتسيا دەڭگەيى 70%-عا دەيىن جوعارى. سونىمەن قاتار, كۆي سيمپتومسىز فورمالارىن تىركەۋدە 2020 جىلى 39%-دان 2021 جىلى 32%-عا دەيىن تومەندەۋ بايقالادى.
بيىلعى جىلدىڭ ناۋرىز ايىنىڭ 3 اپتاسىندا كوروناۆيرۋستىق ينفەكتسيادان ەڭ كوپ زارداپ شەككەن – 20-39 جاس ارالىعىنداعى ازاماتتار - 38% جانە 40-59 جاستاعى ادامدار - 27%, سونداي-اق 60 جاستان اسقاندار - 20%.
تالداۋ ناتيجەلەرى بويىنشا بيىلعى جىلدىڭ ناۋرىز ايىنىڭ 3 اپتاسىندا ينفەكتسيانىڭ ىقتيمال ورىندارى:
قوعامدىق ورىندارعا بارعاندا (ساۋدا, قوعامدىق تاماقتانۋ) - 42%, سوڭعى اپتادا - 41%-1% تومەندەۋ; قوعامدىق كولىكپەن جۇرگەندە - 18%; وتباسىلىق شارالار - 2%.
قالادا قالىپتاسقان ەپيدەميالىق جاعدايدى ەسكەرە وتىرىپ, الماتى قالاسىنىڭ اكىمدىگى كۆي-ءدىڭ الدىن-الۋدى كۇشەيتۋگە شاقىرادى. سونىڭ ىشىندە بريتاندىق جانە وڭتۇستىك افريكالىق شتامداردىڭ انىقتالۋى دا بار. ماسكا رەجيمىن, الەۋمەتتىك اراقاشىقتىقتى ساقتاۋ, قوعامدىق ورىندارعا بارۋدان اۋلاق بولۋ جانە ادامنىڭ كوپ جينالۋىن بولدىرماۋ, سونداي-اق الەۋمەتتىك بايلانىستى ازايتۋ قاجەت.