شىعىس قازاقستان وبلىسىندا سوڭعى ءبىر اپتا ىشىندە 13 ءورت سوندىرىلگەن, دەپ حابارلايدى Egemen.kz
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 20-26 ناۋرىز ارالىعىندا وبلىستا 13 ءورت بولعان. ونىڭ ىشىندە جەكە تۇرعىن ءۇي سەكتورىندا 8, شارۋا قوجالىعى اۋماعىندا 1 ءورت وقيعاسى بولدى. سونداي-اق 1 دۇكەن مەن 3 اۆتوكولىكتى وت شارپىدى.
ء«ورتتىڭ باستى سەبەپتەرى – پەش جانە ەلەكتر جابدىقتارىن پايدالانۋ كەزىندە ءورت قاۋىپسىزدىگى تالاپتارىنىڭ بۇزىلۋى جانە وتتى ابايسىز پايدالانۋ بولىپ وتىر. وكىنىشكە قاراي, ءوڭىر تۇرعىندارىنىڭ پەشكە تاماق قويىپ, ۇمىتىپ كەتۋ جاعدايلارى ءالى دە انىقتالۋدا. بۇل كوبىنەسە قارت كىسىلەر مەن ۇيىقتاپ كەتكەن پاتەر يەلەرى», دەلىنگەن حابارلامادا.
وسى رەتتە, دەپارتامەنت ماماندارى وبلىس تۇرعىندارىنا قاۋىپسىزدىك ەرەجەلەرىن ەسكە سالادى:
- قوسۋلى ەلەكتر جانە گاز قۇرالدارىن قاراۋسىز قالدىرماڭىز;
- وتتى ابايلاپ پايدالانىڭىز – توسەكتە جاتىپ, لودجيا مەن بالكوندا تەمەكى شەكپەڭىز;
- زاۋىتتا جاسالماعان ەلەكتر ساقتاندىرعىشتى, جاساندى اباجۋر, جارىقتاندىرۋ شامىن پايدالانباڭىز;
- جەرتولە مەن شاتىرلاردا جانعىش زاتتاردى, ءتۇرلى تۇرمىستىق قوقىستى, جيھاز بەن قاعازدى ساقتاماڭىز.
قىزىل جالىن شىققان جاعدايدا دەرەۋ «101» نەمەسە «112» نومىرلەرىنە حابارلاسىڭىز. ءورت قاۋىپسىزدىگى ەرەجەلەرىن بۇزعانى ءۇشىن قر اقبتك-ءنىڭ 410-بابىنا سايكەس اكىمشىلىك جاۋاپكەرشىلىك قاراستىرىلعان.