ناۋرىزدىڭ 20-24 ارالىعىندا 200-دەن استام كولىك قار قۇرساۋىنان شىعارىلدى, دەپ حابارلايدى ەgemen.kz قر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ.
مينيسترلىكتىڭ مالىمەتىنشە, مەرەكەلىك دەمالىس كۇندەرى ەلىمىزدىڭ باسىم بولىگىندە قارلى, كەي جەرلەردە جاۋىن-شاشىن مول كولەمدە ءتۇستى. كۇن رايىنا بايلانىستى جولدا قالىپ قويعان كولىك جۇرگىزۋشىلەرىنە ءبىرىنشى بولىپ جول سالاسىنىڭ قىزمەتكەرلەرى كومەككە كەلدى. «وسىلايشا, ناۋرىزدىڭ 20-سى مەن 24-ءى ارالىعىندا 200-دەن استام كولىك قۇرالى قار قۇرساۋىنان شىعارىلدى. سونىڭ 65-ءى جىلى بوكستەرگە جايعاستىرىلدى. ال 320 ادام «قازاقاۆتوجول» جشس جىلىتۋ پۋنكتتەرىنە ورنالاستىرىلدى», دەلىنگەن حابارلامادا.