تاۋەلسىزدىك جىلدارىندا رەسپۋبليكالىق ماڭىزى بار اۆتوموبيل جولدارىنىڭ 13,4 مىڭ شاقىرىمعا جۋىعى سالىنىپ, رەكونسترۋكتسيالاندى, دەپ حابارلايدى ەgemen.kz قر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ.
كانالداعى اقپاراتتارعا قاراعاندا, جۇرگىزىلگەن جول جوندەۋ جۇمىستارى رەسپۋبليكالىق ماڭىزى بار تاس جولداردىڭ ماگيسترالدىق جەلىسىندەگى بۇزىلعان ۋچاسكەلەرىن, سونىڭ ىشىندە «باتىس ەۋروپا – باتىس قىتاي» سياقتى التى نەگىزگى حالىقارالىق ترانزيتتىك ءدالىزدى قالپىنا كەلتىرۋگە مۇمكىندىك بەردى. بۇدان بولەك, بۇل جىلدارى ۋچاسكەلەردىڭ جالپى كولىك ءۇشىن پايدالانۋ جاعدايى ايتارلىقتاي جاقسارتىلدى. بۇگىندە قازاقستان رەسپۋبليكاسىنداعى جالپىعا ورتاق پايدالانىلاتىن اۆتوموبيل جولدارى جەلىسىنىڭ ۇزىندىعى 96,8 مىڭ شاقىرىمدى قۇرايدى. 1991 جىلى بۇل كورسەتكىش 86 مىڭ شاقىرىمدى قۇراعان بولاتىن.