اتىراۋ وبلىسىندا ءبىر تاۋلىكتە 65 ادام كوروناۆيرۋس جۇقتىردى, دەپ حابارلايدى ەgemen.kz
وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, اتىراۋ قالاسىندا قاۋىپتى ۆيرۋسقا شالدىققان 32 ادام تىركەلگەن. تەڭىز كەنىشىندە 21 جۇمىسشى, يندەر اۋدانىندا 1, ماحامبەت اۋدانىندا 1 ادامنان كوروناۆيرۋس ينفەكتسياسى انىقتالعان.
«Covid-19 ينفەكتسياسى 21 ناۋقاستا سيمپتومدى تۇردە وتۋدە. سوڭعى مالىمەتكە سايكەس, وتكەن تاۋلىكتە كوروناۆيرۋس ينفەكتسياسىنان 30 ادام ەمدەلىپ شىقتى. قازىر 240 ادام ءۇي جاعدايىندا ەمدەلۋدە. وبلىستىق ينفەكتسيالىق ستاتسيوناردا 27, مودۋلدىك ستاتسيوناردا 85, ال اۋداندارداعى ستاتسيونارلاردا 18 ادام ەم قابىلداپ جاتىر. تەڭىز كەنىشىندەگى ينفەكتسيالىق ستاتسيوناردا 262 پاتسيەنت وقشاۋلاندى» دەپ حابارلادى دەپارتامەنتتىڭ ءباسپاسوز قىزمەتىنەن.
ەسكە سالا كەتەلىك, بۇدان بۇرىن تەڭىز كەنىشىندەگى 36 جۇمىسشىدان كوروناۆيرۋس انىقتالعان بولاتىن.