جەر پايدالانۋشىلاردىڭ كىم ەكەنىن جەردىڭ ناقتى يەسى — حالىق ءبىلۋى شارت. بۇل تۋرالى قازاقستان فەرمەرلەر قاۋىمداستىعىنىڭ توراعاسى جيگۋلي دايراباەۆ ايتتى, دەپ حابارلايدى Egemen.kz
«جەر شەتەلدىكتەرگە بەرىلمەسىن دەپ دابىل قاعىپ جۇرگەندە, قازىرگى جەر پايدالانۋشىلاردىڭ قازاقستان رەزيدەنتتىگىنەن شىعىپ, شەتەل ازاماتتىعىن الىپ جاتقانىن بايقاماي قالدىق. وكىنىشكە قاراي, فاكتىلەر بار, جاقىن ارادا ءتيىستى ماتەريالداردى كوميسسيا نازارىنا ۇسىنامىز. شەتەل ازاماتتىعىن الىپ جاتقاندار قولدا بار مىڭداعان گەكتار جەر تەلىمدەرىن بانككە كەپىلگە قويىپ, قىرۋار اقشا الىپ, كەيىن قايتارا الماي, شەتەلگە قاشىپ كەتپەۋىنە كىم كەپىل؟ زاڭ كەرى كۇشىنە يە بولا المايدى دەگەن كەرتارتپالىقتى قويىپ, ءتيىستى مەحانيزمدەردى قاراستىرعان ابزال», دەدى ج. دايراباەۆ.
سونىمەن بىرگە, قاۋىمداستىق توراعاسى جەردى جالعا العانداردىڭ اشىق ءتىزىمى بولۋى كەرەگىن ايتتى.
ء«تىپتى, جەر پايدالانۋشى زاڭدى تۇلعالاردىڭ قۇرىلتايشىلارىنىڭ كىم ەكەنىن, قاي جەردىڭ ازاماتى ەكەنىن جەردىڭ ناقتى يەسى – حالىق ءبىلۋى شارت. پرەزيدەنتىمىز حالىققا جاساعان سوڭعى جولداۋىندا قوعامدىق باقىلاۋ ءرولىن كۇشەيتۋ كەرەك دەپ قاداپ ايتتى. سوندىقتان «ەلدىڭ كوزى - ەلۋ» دەگەن ءپرينتسيپتى جەر ماسەلەسىنە دە پايدالانۋىمىز كەرەك», دەدى سپيكەر.