كەشە پرەمەر-ءمينيستردىڭ ورىنباسارى رومان سكليار اتىراۋعا كەلىپ, ءوڭىردىڭ وزەكتى ماسەلەلەرى تالقىلانعان كەڭەس وتكىزدى.
كەڭەستە اتىراۋ وبلىسىنىڭ اكىمى ماحامبەت دوسمۇحامبەتوۆ ينفراقۇرىلىم, ەكولوگيا, ەلەكتر ەنەرگياسىمەن, سۋمەن قامتۋ, الەۋمەتتىك ماسەلەلەر تۋرالى باياندادى. كەيبىر پروبلەمالىق ماسەلەلەردى وڭ شەشۋ ءۇشىن ۇكىمەتتىڭ قولداۋى قاجەتتىگىنە توقتالدى.
پرەمەر-ءمينيستردىڭ ورىنباسارى رومان سكلياردىڭ ايتۋىنشا, وڭىردەگى پروبلەمالاردى شەشۋ ءۇشىن ءتيىستى قولداۋ كورسەتىلەدى. سونداي-اق, مينيسترلەردىڭ ورىنباسارلارىنا جەرگىلىكتى ورگاندارمەن بىرلەسە پروبلەمالىق ماسەلەلەردى شەشۋگە قاتىستى ۇسىنىستار ازىرلەۋ تاپسىرىلدى.