بقو-دا مال ۇرلىعىمەن اينالىسقان توپ ۇستالدى

پوليتسيا قىزمەتكەرلەرىنىڭ ايتۋىنشا, ۇستالعان ءۇش كۇدىكتى باتىس قازاقستان مەن كورشىلەس اتىراۋ وبلىسىنىڭ اۋماعىندا جايىلىپ جۇرگەن مالداردى اتىپ, ەتىن ۇرلاپ وتىرعان. قاراۋىلعا ىلىككەن مالداردىڭ دەنى قامبار اتا ت ۇلىگى. قىلمىس بولعان جەرلەردەن مالدىڭ باسى مەن ىشەك-قارىنى عانا تابىلىپتى. ال پوليتسياعا ارىزدانعان اتىراۋ وبلىسىنىڭ تۇرعىندارى كەيىن ءوز مالدارىن تانىعان. قىلمىستىق توپتى ۇستاۋعا قاراتوبە اۋدانى مەن تايپاق پوليتسيا بولىمدەرى اتسالىستى. جۇرگىزىلگەن ءىس-شارالاردىڭ ناتيجەسىندە سوڭعى 2 جىلدا مال ۇرلىعى ەداۋىر تومەندەگەن. ماسەلەن, بىلتىر 27 قىلمىستىق توپ پەن 178 مال ۇرلاۋشى انىقتالىپ, ولاردىڭ قىلمىستىق ارەكەتى اشكەرەلەندى. ال بيىل جىل باسىنان بەرى وبلىس اۋماعىندا 38 مال ۇرلىعى تىركەلىپ, ونىڭ 21-ءى اشىلعان. 

-  ولار قازىرگى تاڭدا قاماۋعا الىنىپ تاعى دا اشىلماعان مال ۇرلىعى فاكتىلەرىنە بايلانىسى بار-جوعى تەسەرىلۋدە. قازىرگى كەزدە مال ۇرلىعى بويىنشا 188-باپپەن ءىس قوزعالۋدا. ولاردىڭ جاساعان قىلمىستارى اشكەرەلەنىپ, كورشىلەس اتىراۋ وبلىسىندا جاساعان جانە ءبىزدىڭ بقو-دا جاساعان قىلمىستارى تەكسەرىلۋدە, - دەدى وبلىستىق پد كريمينالدىق پوليتسيا باسقارماسىنىڭ باسشىسى ەرلان  ارىستانوۆ.