ەلىمىزدەگى قانشا تۋريستىك ايماققا بالالار بيلەتى تەگىن بولادى؟

قازاقستاندا ەكى جاستان ون ءتورت جاسقا دەيىنگى بالالارعا اۋە بيلەتتەرى تەگىن بەرىلەتىن باعدارلاما اشىلادى. وسىعان بايلانىستى بالالار Kids go free باعدارلاماسى ارقىلى تەگىن ساياحاتتاي الادى.

Kids go free باعدارلاماسىنىڭ نەگىزگى ماقساتى – قازاقستاندىقتاردى ەلدىڭ تۋريستىك باعىتتارىندا وتباسىمەن دەمالۋعا ىنتالاندىرۋ. مۇنداي مۇمكىندىك بالالار اۋەبيلەتتەرىن سۋبسيديالاۋ ارقىلى بەرىلىپ وتىر. مادەنيەت جانە سپورت مينيسترلىگىنىڭ بولجامىنشا, مۇنداي جەڭىلدىك دەمالىستى 30 پايىزعا دەيىن ارزانداتۋعا مۇمكىندىك بەرەدى.

تەگىن اۋە بيلەتتەرى تۋريستىك سالانى دامىتۋدىڭ 2019-2025 جىلدارعا ارنالعان مەملەكەتتىك باعدارلاماسىندا ايقىندالعان باسىم تۋريستىك ايماقتاردىڭ (بتا) توپ-10 باعىتى بويىنشا قولجەتىمدى بولادى. ولارعا مىنا ايماقتار كىردى:

1) الاكول كولى;

2) الماتى ءوڭىرىنىڭ تاۋ كلاستەرى;

3) ششۋچە-بۋراباي كۋرورت ايماعى;

4) باياناۋىل كۋرورت ايماعى;

5) يمانتاۋ-شالقار كۋرورت ايماعى;

6) بالقاش كولى;

7) تۇركىستان;

8) ماڭعىستاۋ جاعاجاي دەمالىس ايماقتارى;

9) نۇر-سۇلتان قالاسىندا MICE-ءتۋريزمدى دامىتۋ (كورپوراتيۆتىك ءىس-شارالاردى  ۇيىمداستىرۋ جانە وتكىزۋگە بايلانىستى ىسكەرلىك تۋريزم - رەد. ەسك.);

10) بايقوڭىر عارىش ايلاعى.