سقو ءۋاليحانوۆ اۋدانىنداعى سىلەتى وزەنىندە مۇزدىڭ كەپتەلىپ قالماي, وزەن سۋىنىڭ ارناسىمەن اعۋى ءۇشىن جارىلىس جۇمىستارى جۇرگىزىلدى. بۇل جۇمىستى جەرگىلىكتى اتقارۋشى ورگاندار, سقو تجد جانە كوكشەتاۋ قالاسىنىڭ مامانداندىرىلعان ۇيىمى اتقاردى. سونىمەن بىرگە وزەن دەڭگەيىن كوتەرۋ ماقساتىندا ۇزاق ۋاقىتتان بەرى جارىلىس جۇمىستارىمەن كاسىبي اينالىسىپ كەلە جاتقان «كوكشە-بۋر» جشس جۇرگىزدى.
بۇل كۇنى بارلىعى 140 كگ جارىلعىش زاتتار (پەتروگەن) پايدالانىلدى. ولار كەزەڭ – كەزەڭىمەن وزەن ارناسى بويىنشا قاراتال جانە قۋلىكول اۋىلدارىن قوساتىن جولداعى «جىرا» سۋ وتكىزۋ قۇرىلىسىندا, قۋلىكول اۋىلىنان 2 جانە 5 كم. جەردە, جالپى الاڭى 1000 ش. م. - 3 ۋچاسكەدە جۇرگىزىلدى.
كوكتەمگى سۋ باسۋدىڭ الدىن الۋ جۇمىستارىنا ازاماتتىق قورعاۋ پودپولكوۆنيگى باۋىرجان راحىمجانوۆ ءتيىستى باعا بەردى. «باستى مىندەت –سۋ تاسقىنىن قاۋىپسىز وتكىزۋ, حالىقتى اپات سالدارىنان قورعاۋ» دەپ اتاپ ءوتتى باۋىرجان ەرعالي ۇلى.