تۇركيا بيلىگى ەلگە كەلۋدىڭ جاڭا ەرەجەلەرىن ەنگىزدى. 15 ناۋرىزدان باستاپ شەتەلدىكتەرگە تۇركياعا كىرۋ ءۇشىن ارنايى ەلەكتروندى ساۋالناما تولتىرۋ قاجەت, دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
تۇركيانىڭ دەنساۋلىق ساقتاۋ مينيسترلىگى تۇركياعا بارلىق رەيستەردە كوروناۆيرۋستى باقىلاۋ تۋرالى قاعاز ساۋالناما تولتىرۋ تالابىن الىپ تاستادى. تەك ترانزيتپەن كەلگەن قوناقتار عانا قۇجاتتى تىكەلەي ۇشاق بورتىندا تولتىرۋى كەرەك, دەيدى اۆياكومپانيا وكىلدەرى.
جاڭا ەرەجەلەرگە سايكەس, ساپارعا دەيىن 72 ساعات بۇرىن كەلگەن جولاۋشىلار (سونىڭ ىشىندە تۇركيا ازاماتتارى) تۇركيانىڭ دەنساۋلىق ساقتاۋ مينيسترلىگىنىڭ سايتىندا نىساندى تولتىرۋى كەرەك. بۇل جاعدايدا قۇجاتتى باسىپ شىعارۋ نەمەسە كەز-كەلگەن ەلەكتروندى قۇرىلعىعا جۇكتەۋ كەرەك. ءارى قاراي, ساۋالناما ۇشۋ كەزىندە اۋەجايدا اۆياكومپانيا قىزمەتكەرىنە ۇسىنىلۋى كەرەك.
سونداي-اق تۇرىك ۆەدومستۆوسىنىڭ سايتىندا تىركەلۋ كەزىندە باعدارلاما جۇمىس ىستەيتىن ۇيالى تەلەفوندى كورسەتۋدى تالاپ ەتەدى. بۇل باعدارلاما تۋريستەرگە ەل ىشىندە ءجۇرىپ-تۇرۋعا, قوناق ۇيگە كىرۋگە جانە ءارتۇرلى نىساندار مەن ءىس-شارالارعا بارۋعا قاجەتتى بىرەگەي HES كودىن بەرەدى.