مادەنيەت جانە سپورت ءمينيسترى اقتوتى رايىمقۇلوۆا دىبىس جازۋ, ونەر جانە عىلىم ۇلتتىق اكادەمياسىنىڭ Grammy سىيلىعىن جەڭىپ العان يمانبەك زەيكەنوۆتى ماراپاتىمەن قۇتتىقتادى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
ء«سىزدى Grammy سىيلىعىن جەڭىپ الۋىڭىزبەن شىن جۇرەكتەن قۇتتىقتايمىن! ءسىز از عانا ۋاقىت ىشىندە əلەمدىك مۋزىكا نارىعىندا ەلەۋلى جەتىستىكتەرگە قول جەتكىزىپ, ميلليونداعان تىڭدارماننىڭ ءىلتيپاتىنا بولەنىپ كەلە جاتقان دارىندى ونەرپازسىز. وسىناۋ مəرتەبەلى ماراپات ءسىزدىڭ مۋزىكاعا دەگەن قۇشتارلىعىڭىزدىڭ جەمىسى, تاپقىرلىعىڭىزدى پاش ەتكەن سəت دەپ بىلەمىن. الداعى ۋاقىتتا دا əن ونەرىنە دەگەن تالپىنىسىڭىز ارتىپ, بيىك بەلەستەردى باعىندىرا بەرۋىڭىزگە تىلەكتەسپىن.
وسىناۋ ورايلى ءسəتتى پايدالانا وتىرىپ, سىزگە زور دەنساۋلىق قاجىماس قايرات, شىعارماشىلىق شابىت تىلەيمىن!» دەپ جازىلعان ءمينيستردىڭ قۇتتىقتاۋ حاتىندا.