بۇگىن وڭىرلىك كوممۋنيكاتسيالار قىزمەتى الاڭىندا وتكەن بريفينگتە الماتى قالاسانىنىڭ قوعامدىق دەنساۋلىق ساقتاۋ باسقارماسىنىڭ ورتالىق قالالىق كلينيكالىق اۋرۋحاناسىنىڭ ينفەكتسيالىق باقىلاۋدى قامتاماسىز ەتۋ جونىندەگى ديرەكتوردىڭ ورىنباسارى م. ا. ەلۆيرا يبراگيموۆا مەگاپوليستەگى ۆاكتسيناتسيالاۋ بارىسى تۋرالى باياندادى.
«2021 جىلدىڭ 1 اقپانىنان باستاپ ۆاكتسيناتسيانىڭ 1 كەزەڭىن اياقتادىق. 1 624 مەديتسينا قىزمەتكەرى سپۋتنيك-V پرەپاراتىنىڭ ەكى كومپونەنتىن الدى. ۆاكتسينانىڭ ەكىنشى كەزەڭى ناۋرىز ايىندا باستالدى, الماتى قالاسىنا قوسىمشا 10 800 دوزا جەتكىزىلدى. ۆاكتسيناتسيالاۋ بويىنشا قالالىق. 39 ەمحانا قاتىسادى. العاشقى اپتادا «قاۋىپتى ايماقتىڭ» مەديتسينا قىزمەتكەرلەرى ۆاكتسيناتسيادان ءوتتى. 10 اقپاندا قۇقىق قورعاۋ ورگاندارىنىڭ قىزمەتكەرلەرىنە جانە مۇعالىمدەرگە ۆاكتسينا سالىنا باستادى. بۇگىنگى كۇنگە دەيىن 33 العاشقى مەديتسينالىق-سانيتارلىق كومەك ۇيىمىندا ياعني, قۇقىق قورعاۋ ورگاندارىنىڭ قىزمەتكەرلەرى – 658, ال ءبىلىم سالاسىنداعى 310 پەداگوگقا ۆاكتسينا سالىندى», دەپ حابارلادى ول.
سپيكەردىڭ ايتۋىنشا, ناۋرىز مەيرامىنان كەيىن ستۋدەنتتەرگە جانە باسقا ادامدارعا 16 مىڭنان استام دوزا ۆاكتسينا الىنادى.
ەلۆيرا يبراگيموۆا انتيدەنەلەر تۋرالى سۇراققا دا جاۋاپ بەردى.
«انتيدەنەلەر 42-ءشى كۇنى تۇزىلەدى. كلينيكالىق زەرتتەۋلەر جۇرگىزىلۋدە. ءوندىرۋشىنىڭ اقپاراتى بويىنشا يممۋنيتەت ءبىر جىلدان ەكى جىلعا دەيىن ساقتالادى. ەگەر ادام اۋىرىپ-جازىلعان بولسا, وندا وعان ساۋىققاننان كەيىن التى ايدان كەيىن ەكپە سالۋعا بولادى», دەپ ءتۇسىندىردى ول.
سونىمەن قاتار, سپيكەر ۆاكتسينانىڭ قورعانىسى جوعارى جانە ءتىپتى, ەگەر جۇقتىرعان بولسا, اۋرۋ ۆاكتسيناتسيالانباعان ادامدارعا قاراعاندا جەڭىل تۇردە وتەتىنىن باسا ايتتى. دەگەنمەن, بەتپەردە كيۋدى جالعاستىرۋ جانە الەۋمەتتىك اراقاشىقتىقتى ساقتاۋ قاجەت.
«بۇل ينفەكتسيا ءبىز ءۇشىن جاڭا ەكەنىن ەسكەرە وتىرىپ, ۆاكتسيناتسيادان كەيىن بەتپەردە كيۋدى جانە بارلىق الدىن الۋ شارالارىن ساقتاۋدى ۇسىنامىز», دەدى ول.