Fitch Ratings اگەنتتىگى «وتباسى بانك» تۇرعىن ءۇي قۇرىلىس جيناق بانكى» اق (وتباسى بانك) ۇلتتىق ۆاليۋتاداعى ۇزاق مەرزىمدى ەميتەنت دەفولتىنىڭ رەيتينگىن «ۆۆۆ-» دەڭگەيىنەن «ۆۆۆ» دەڭگەيىنە دەيىن كوتەردى. ەندىگى رەيتينگ بويىنشا بولجام – «تۇراقتى».
2021 جىلعى 1 قاڭتارداعى جاعدايعا سايكەس, «وتباسى بانك» اق قازاقستاننىڭ ەدب اراسىندا جەكە تۇلعالاردىڭ ۇزاق مەرزىمدى سالىمدارىنىڭ كولەمى بويىنشا 34 % ۇلەسىمەن جانە يپوتەكالىق كرەديت بەرۋ كولەمى بويىنشا 50% ۇلەسىمەن ءبىرىنشى ورىندا. تۇرعىن ءۇي قۇرىلىس جيناق جۇيەسىنە قاتىسۋشىلاردىڭ سانى 1 ميلليون 862 مىڭ ادامدى نەمەسە ەكونوميكالىق بەلسەندى حالىقتىڭ 20 %-ىن قۇرادى. بانكتىڭ اكتيۆتەرى 2021 جىلعى 1 قاڭتارداعى جاعداي بويىنشا 1,7 تريلليون تەڭگەنى قۇرايدى.
وسى شەشىمگە ىقپال ەتكەن نەگىزگى فاكتورلاردىڭ ىشىندە Fitch جەكە تۇلعالاردىڭ مەملەكەت سۋبسيديالايتىن جيناق شوتتارىنىڭ تۇراقتى اعىنى جانە مەملەكەتپەن بايلانىستى قورلاندىرۋ ىقپال ەتكەن بانكتىڭ تۇراقتى ءوسۋىنىڭ ۇزاق تاريحىن (2010-2020 جىلدارى جىلىنا ورتا ەسەپپەن 35%) اتاپ كورسەتەدى. ناتيجەسىندە, بۇگىندە بانكتىڭ دامۋ ينستيتۋتى رەتىندەگى قىزمەتى ەلدىڭ ەكونوميكالىق بەلسەندى حالقىنىڭ 20 %-ىن قامتيدى (2010 جىلدىڭ اياعىندا 2 %-عا قاتىستى ۇلعايۋ) جانە بۇل ءىس جۇزىندە بانكتىڭ دامۋ ينستيتۋتى رەتىندەگى فۋنكتسيالارىن باسقا اگەنتكە بەرۋدى قيىنداتادى. مەملەكەتتىك ساياساتتا كوزدەلگەن مىندەتتەردى ورىنداۋ ءۇشىن قورلاندىرۋدى تومەن پايىزدىق مولشەرلەمەمەن ەلەۋلى پايدالانۋ بانكتى جەكەشەلەندىرۋدى ەكىتالاي ەتەدى (قازىرگى ۋاقىتتا مەملەكەت جەكەشەلەندىرۋدى قاراستىرمايدى).
Fitch ەسەبىندە اتاپ وتىلگەندەي, «وتباسى بانككە اكتيۆتەردىڭ تۇراقتى ساپاسىنا (قۇنسىزدانعان كرەديتتەردىڭ كورسەتكىشى 2020 جىلدىڭ سوڭىنا 0,7% ) جانە كاپيتالدىڭ مىقتى قورىنا بايلانىستى ورتا مەرزىمدى پەرسپەكتيۆادا كاپيتالدىڭ توتەنشە قولداۋى قاجەت بولۋى ەكىتالاي, مۇنى Fitch ءادىسناماسى بويىنشا نەگىزگى كاپيتالدىڭ كورسەتكىشى 2020 جىلدىڭ سوڭىنا 37% بولۋى دالەلدەيدى. بانكتىڭ قورلاندىرۋ قۇنى تومەن جانە ۇزاق مەرزىمدى بولىپ تابىلادى. وتىمدىلىكتىڭ قالىپتى قورى ( 2020 جىلدىڭ سوڭىنداعى بارلىق اكتيۆتەردىڭ 22%) بانكتىڭ تاياۋداعى ءۇش جىلدا يپوتەكالىق كرەديتتەر بەرۋگە قاتىستى شارتتى مىندەتتەمەلەردى ساقتاۋى ءۇشىن جەتكىلىكتى بولىپ تابىلادى.»
«Fitch Rating اگەنتتىگىنىڭ دەرەكتەرى ەلدىك رەيتينگى بار قازاقستانداعى ەكىنشى دەڭگەيدەگى جالعىز بانك بولعان «وتباسى بانكىنىڭ» تۇراقتىلىعىن كورنەكى تۇردە راستايدى. ءوز قىزمەتى كەزەڭىندە «وتباسى بانك» ەكى «Moodys» (2007 جىلدان باستاپ) جانە «Fitch» (2014 جىلدان باستاپ) اگەنتتىكتەرىنىڭ رەيتينگتەرىن الدى. بانكتىڭ ەڭ باستى جەتىستىگى ەكونوميكالىق بەلسەندى حالىقتىڭ 20%-ىن دەپوزيتتەرمەن قامتۋ جانە كرەديتتەردى بەلسەندى بەرۋ بولىپ تابىلادى. بانك اكتيۆتەرىنىڭ 80%-ى نەسيە پورتفەلىندە ورنالاسقان» - دەيدى وسى جاڭالىققا وراي «وتباسى بانك» اق باسقارما ءتورايىمى ءلاززات يبراگيموۆا.