كوكتەمگى ۇبت-نى تاپسىرۋعا وبلىستا 3 مىڭنان استام وقۋشى ءوتىنىش بەرگەن, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
پاۆلودار وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى ەركىمبەك ايازباەۆتىڭ مالىمدەۋىنشە, وبلىستا كوكتەمگى ۇبت 15 ناۋرىز بەن 10 ءساۋىر ارالىعىندا وتەدى. تەستىلەۋ وبلىستىڭ 3 قالاسىندا جۇرگىزىلەدى.پاۆلودار قالاسىندا 1985 تۇلەك تولستوي كوشەسى, 99 مەكەنجايىندا تاپسىرادى. ەكىباستۇز قالاسىندا 1050 وقۋشى ەنەرگەتيكتەر كوشەسى, 54 ا مەكەنجايىندا, اقسۋ قالاسىندا 323 وقۋشى اۋەزوۆ كوشەسى, 6 مەكەنجايىندا ۇبت تاپسىرماق.
– تەستىلەۋ ەلەكتروندى فورماتتا وتەدى. بۇرىنعىداي قاعازدى بوياۋعا ۋاقىت كەتىرمەيدى. وعان قوسا, بۇرىن ءبىر جاۋاپتى بوياپ تاستاساڭ, قايتادان وزگەرتە المايتىن. ەندى تەستىلەۋدى اياقتاماي تۇرىپ وقۋشى ءوز جاۋابىن وزگەرتە الادى. سۇراقتاردىڭ مازمۇنى بۇرىنعىداي. بەرىلەتىن ۋاقىت تا سول قالپى قالدى, – دەدى ەركىمبەك ايازباەۆ.
ايتا كەتەيىك, كوكتەمگى ۇبت-نى تاپسىرۋ ءۇشى اقى تولەنەدى. سونداي-اق تۇلەكتەر كوكتەمگى تەستىلەۋدىڭ جاۋابىمەن جوعارعى وقۋ ورىندارىنا اقىلى ءبىلىم الۋعا تۇسە الادى.