ءسابي دۇنيەگە كەلگەننەن كەيىن اناسىن ەمبەي تۇرىپ, ورتودونتتىڭ كەڭەسىمەن جەدەل وپەراتسيا جاساۋ ۇسىنىلعان, دەپ حابارلايدى ەgemen.kz
بۇل نارەستە 3 ناۋرىز كۇنى دۇنيە ەسىگىن اشقان بولاتىن. ول اناسىنىڭ قۇرساعىندا جاتقان كەزدە-اق, بەت-جاق بولىگىندە كىنارات بار ەكەنى بەلگىلى بولعان. ارنايى ماماندار قاراپ, قاتتى تاڭدايدىڭ ءبىر جاقتى ساڭىلاۋى دياگنوزىن قويعان ەكەن.
ءسابي دۇنيەگە كەلگەننەن كەيىن اناسىن ەمبەي تۇرىپ, ورتودونتتىڭ كەڭەسىمەن جەدەل وپەراتسيا جاساۋ ۇسىنىلعان. جاڭا تۋعان شاقالاق بىردەن الماتى قالاسى بالالار شۇعىل مەديتسينالىق جاردەم ورتالىعىنا نەوناتالدى حيرۋرگيانىڭ جانساقتاۋ بولىمشەسىنە اۋىستىرىلدى. تەكسەرىستەن وتكەننەن كەيىن, بىردەن وتاعا دايىندىق جۇرگىزىلدى.
وپەراتسيانى مەديتسينا عىلىمدارىنىڭ دوكتورى, پروفەسسور سەرىك بالتاش ۇلى نۇعمانوۆ جاسادى. مۇنداي كۇردەلى وتا – بالانىڭ ەمۋىنە كەدەرگى جاساپ, اۋىز قۋىسىن جاۋىپ تۇرعان ىسىكتى الىپ تاستاۋ ءۇشىن قاجەت ەدى.
وپەراتسيا كەزىندە ىسىك جوعارعى جاقتىڭ الۆەوليارلى وسىندىسىنەن شىققانى بەلگىلى بولدى. وتا ءساتتى ءوتتى. بۇگىنگى كۇنى بالانىڭ جاعدايى قاناعاتتانارلىق. ايتا كەتەرلىك جاعداي, 2019 جىلدان بەرى ورتالىقتا «بەت-جاق حيرۋرگياسى» ءپروفيلى جۇمىس جاسايدى. جىل سايىن ورتالىقتىڭ بەت-جاق حيرۋرگيا ماماندارى كومەكتەسەتىن جوعارعى مامانداندىرىلعان كومەك تۇرلەرى ارتىپ كەلەدى. ورتالىق حيرۋرگتارىنىڭ جاس پاتسيەنتتەردىڭ دەنساۋلىعىن ساقتاۋعا قوسقان ۇلەسى وتە زور. حيرۋرگتار بىرەگەي وپەراتسيالاردى ءساتتى جاسايدى. دارىگەرلەردىڭ بىلىكتىلىگىن ارتتىرۋ ءۇشىن ورتالىق اكىمشىلىگى وسى باعىتتا مامانداندىرىلعان الەمنىڭ جەتەكشى كلينيكالارىمەن ىنتىماقتاستىق ورناتقان. ماماندار جىل سايىن شەتەلدىك وقۋعا بارىپ تاجىريبە الماسادى,سونىمەن قاتار ەلىمىزدە بەت-جاق حيرۋرگياسىنىڭ نەگىزگى مەكتەبىن قۇرۋدا ۇلكەن جۇمىستار اتقارىپ وتىر.