كارانتين كەزىندە توي ۇيىمداستىرعان تۇرىعىن جاۋاپقا تارتىلدى, دەپ حابارلايدى Egemen.kz Polisia.kz سايتىنا سىلتەمە جاساپ.
شەكتەۋ شارالارىنا قاراماستان قىز ۇزاتۋ تويىن جاساعان شىمكەنت قالاسىنىڭ تۇرعىنى انىقتالدى. ول ۇيىنە 60-قا جۋىق قوناق شاقىرعان.
ەڭبەكشى اۋدانى پوليتسيا باسقارماسىنىڭ قىزمەتكەرلەرى تويعا جينالعانداردىڭ سانيتارلىق نورمالاردى ساقتاماعانىن انىقتاعان. ءۇي يەسىنە قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 425-بابى بويىنشا اكىمشىلىك حاتتاما تولتىرىلدى.
جينالعان ماتەريال شىمكەنت قالاسى ەڭبەكشى اۋدانىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى. قازىرگى ۋاقىتتا مونيتورينگ توبى دامىلسىز جۇمىس جاساپ جاتىر. ولاردىڭ قۇرامىنا پوليتسيا قىزمەتكەرلەرى, جەرگىلىكتى اتقارۋشى ورگان وكىلى جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ماماندارى كىرەدى.