اتىراۋدا ەكى ايەل جۇرگىزۋشى كۋالىگىنەن ايىرىلدى

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, 7-8 ناۋرىزدا پاترۋلدىك پوليتسيا قىزمەتكەرلەرى ماس كۇيدە كولىك باسقارعان 2 ايەل ۇستالىپتى.

«ماسەلەن, 7 ناۋرىزدا تۇنگى ساعات 02:30 شاماسىندا ءا.مولداعۇلوۆا كوشەسىنىڭ بويىندا «Toyota Ipsum» اۆتوكولىگى توقتاتىلدى. تەكسەرۋ كەزىندە اتالعان اۆتوكولىكتىڭ 40 جاستاعى جۇرگىزۋشىسىنەن ىشىمدىكتىڭ ءيىسى بايقالعان. ال, 8 ناۋرىزدا تاڭعى ساعات 05:30 شاماسىندا ۆوكزال ماڭى-5 شاعىن اۋدانىنان توقتاتىلعان «Toyota Camry» اۆتوكولىگىنىڭ جۇرگىزۋشىسى – 39 جاستاعى ايەلدەن الكوگولدىك ىشىمدىكتىڭ ءيىسى شىققان», دەپ حابارلادى دەپارتامەنتتىڭ ءباسپاسوز قىزمەتى.

مەديتسينالىق ساراپتامانىڭ كورىتىندىسىمەن ەكى جۇرگىزۋشىنىڭ دە جەڭىل دارەجەدەگى ماس ەكەندىگى انىقتالدى. ماس كۇيدە كولىك باسقارعان جۇرگىزۋشىلەرگە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 608-بابىمەن اكىمشىلىك حاتتاما تولتىرىلىپ, سوت شەشىمىمەن 7 جىلعا جۇرگىزۋشى قۇقىعىنان ايىرىلدى.