ForteBank-ءتىڭ باسقارما توراعاسى گۋرام اندرونيكاشۆيلي مەن «قازپوچتا» اق باسقارما توراعاسى قانات الپىسباەۆ ستراتەگيالىق سەرىكتەستىك پەن ىنتىماقتاستىق تۋرالى مەموراندۋمعا قول قويدى.
مەموراندۋمدا «قازپوچتا» اق-نىڭ پوشتا, اگەنتتىك جانە قارجىلىق قىزمەتتەر كورسەتۋ سالاسىنداعى ءوزارا ءتيىمدى ىنتىماقتاستىقتى دامىتۋ ماسەلەلەرى قاراستىرىلعان. مەموراندۋمعا سايكەس, Forte ەكوجۇيەسىندە ەڭ الدىمەن ForteBank, ForteMarket جانە ForteMobile-دا ينتەرنەت-دۇكەندەرگە قىزمەتتەردىڭ تولىق سپەكترىن ۇسىناتىن Kazpost-ءتىڭ ورىنداۋ ورتالىقتارىنىڭ قۋاتىن, ياعني تاۋارلاردى ساقتاۋدان باستاپ ونى وراۋ جانە كليەنتكە جونەلتۋگە دەيىنگى قىزمەتتى ۇيلەسىمدى تۇردە پايدالانۋ جوسپارلانىپ وتىر.
ء «بىزدىڭ كومپانيانىڭ ۇلكەن ينفراقۇرىلىمى جانە دۇرىس جولعا قالىپتاسقان لوگيستيكاسى – بۇل تەك قانا جەتكىزۋ عانا ەمەس, سونىمەن قاتار ورىنداۋدى قويماعا تولتىرۋ سىندى ىلەسپە قىزمەتتەرى دەۋگە بولادى. بىرنەشە جىلدان بەرى ءبىز بۇل سالانى بەلسەندى دامىتىپ, ەكىنشى دەڭگەيلى بانكتەرمەن ىنتىماقتاسا جۇمىس ىستەپ كەلەمىز. بۇل اسىرەسە بانك كەڭسەلەرى جوق شالعايداعى اۋىلدىق جەرلەردە انىق سەزىلۋدە. «قازپوچتانىڭ» اۆتوماتتاندىرىلعان بولىمدەرىنىڭ جارتىسىنان كوبى اۋداندار مەن اۋىلداردا ورنالاسقان, سايكەسىنشە ءبىز جەتكىزۋ لوگيستيكاسىن قامتاماسىز ەتە الامىز. بايلانىستاردى نىعايتۋ سينەرگەتيكالىق ناتيجە بەرەرى ءسوزسىز», دەدى «قازپوچتا» اق باسقارما توراعاسى قانات الپىسباەۆ.
بىرلەسكەن جوبالاردى ىسكە اسىرۋ كەزىندە تاراپتار اقپاراتتىق جۇيەلەردى ينتەگراتسيالاۋدى, سونداي-اق لوگيستيكا سالاسىنداعى ىنتىماقتاستىقتى جوسپارلاۋدا.
«بۇگىن قول قويىلعان مەموراندۋم ءبىزدىڭ سەرىكتەستىكتەر ءۇشىن ۇزاق مەرزىمدى جانە ءوزارا ءتيىمدى نەگىزدە ىسكەري سەرىكتەستىكتەر ورناتۋعا جانە دامىتۋدىڭ نەگىزىن قالاپ وتىر. باعىتتاردىڭ ءبىرى ەلەكتروندىق كوممەرتسيا سالاسىنداعى سەرىكتەستىك بولادى, ەندى Forte ەكوجۇيەسىنىڭ قۇرامىنا كىرەتىن ForteMarket بازارىنىڭ كليەنتتەرى ءۇشىن «قازپوچتانىڭ» كەز كەلگەن فيليالىندا بۇكىل قازاقستان بويىنشا جەدەلدەتىلگەن رەجيمدە ءوز تاپسىرىستارىن الۋىنا مۇمكىندىك تۋدى», دەدى ForteBank باسقارما توراعاسى گۋرام اندرونيكاشۆيلي.
ForteMarket 500-دەن استام ساتۋشىلاردان تۇراتىن 200 000-نان استام تاۋارلار كاتالوگىن ۇسىنادى. ForteMarket-تە ءونىمدى قولجەتىمدى باعامەن تاڭداپ, تاپسىرىس بەرۋگە, سونىڭ ىشىندە نەسيەگە نەمەسە 12 جانە 24 ايعا ءبولىپ تولەۋگە ىڭعايلى. كليەنت ءوتىنىمىن 2 مينۋت ىشىندە جەلىدەن ماقۇلداتس الادى.
«قازپوچتانىڭ» فيليالدىق جەلىسىندە بۇكىل قازاقستان بويىنشا 3728 فيليال بار. سوندىقتان وبلىستار مەن الىستاعى وبلىس ورتالىقتارىنداعى, شاعىن قالالاردىڭ كليەنتتەرى كەز كەلگەن پوشتا بولىمشەلەرىندە تاپسىرىس الۋعا مۇمكىندىگى بار.
ForteBank – بۇل ەلىمىزدەگى ەڭ تۇراقتى, ءوتىمدى جانە جاقسى كاپيتالداندىرىلعان بانكتەردىڭ ءبىرى. AQR قورىتىندىلارى ForteBank-ءتىڭ جوعارى سەنىمدىلىگى مەن تۇراقتىلىعىن راستاپ وتىر. 2020 جىلى ForteBank The Banker جۋرنالىنىڭ نۇسقاسى بويىنشا ءۇشىنشى رەت قازاقستانداعى «جىل بانكى» اتاندى.
«قازپوچتا» اق – قازاقستان رەسپۋبليكاسىنىڭ ۇلتتىق پوشتا وپەراتورى, دۇنيەجۇزىلىك پوشتا وداعىندا قازاقستاننىڭ پوشتا اكىمشىلىگىنىڭ اتىن ايگىلەپ ءجۇر. پوشتالىق, قارجىلىق, بروكەرلىك, اگەنتتىك, ەلەكتروندىق قىزمەتتەردىڭ كەڭ اۋقىمىن ۇسىنادى. «قازپوچتا» اق-نىڭ ەلىمىزدىڭ بارلىق ەلدى مەكەنىن قامتيتىن ەڭ ءىرى فيليالدىق جەلىسى بار. «قازپوچتا» فيليالدارىنىڭ جەلىسى – بۇل ەلەكتروندى ساۋدانى, كولىك-لوگيستيكالىق قىزمەتتەردى, بيزنەس پەن تۇرعىندار ءۇشىن قارجىلىق قىزمەتتەردى ىلگەرىلەتۋدىڭ ءتيىمدى قۇرالى.