ورال قالاسىنداعى جىلۋ ەلەكتر ورتالىعىندا جاپوندىق «Hitachi» كومپانياسىنىڭ گاز تۋربينالىق قوندىرعىسى كۇردەلى جوندەۋدەن كەيىن قايتا ىسكە قوسىلدى, دەپ حابارلايدى Egemen.kz.
قۋاتى 28 مۆت بولاتىن گاز تۋربينالىق قوندىرعى وسىدان 20 جىل بۇرىن ورناتىلعان ەدى. 2019 جىلى جوسپارلى ينسپەكتسيالىق تەكسەرىس جۇرگىزىلگەنىمەن, تەحنيكالىق جوندەۋ جۇمىسى كەستەدەن كەشىكتى. ماڭىزدى ماسەلە وبلىس اكىمى ناريمان تورەعاليەۆتىڭ تىكەلەي ارالاسقان سوڭ وڭىنان شەشىلدى. 2023 جىلى ايماق باسشىسى باستاعان دەلەگاتسيا جاپونيا ەلىندە بولىپ, تۋربينانى ءوندىرۋشى زاۋىتتىڭ وكىلدەرىمەن دەلدالسىز ديدارلاستى. قوس تاراپ قوندىرعىنىڭ قوسالقى بولشەكتەرىن دايىنداۋ جانە جەتكىزۋ بويىنشا كەلىسىمشارت جاساستى. ناتيجەسىندە اتىراۋلىق كومپانيا تۋربينانى كۇردەلى جوندەۋدەن وتكىزدى.
الماتى جىلۋ ەلەكتر ورتالىقتارىنىڭ تولىعىمەن گازعا كوشىرىلەتىن ۋاقىتى بەلگىلى بولدى
مەملەكەت باسشىسىنىڭ ەنەرگەتيكالىق ينفراقۇرىلىمدى جاڭعىرتۋ تاپسىرما اياسىندا كەيىنگى ەكى جىلدا بۇل سالاعا بيۋدجەتتەن 15,6 ملرد تەڭگە بولىنگەن ەكەن. 2035 جىلعا دەيىنگى ءىس-ارەكەت جوسپارلانعان, 32 جوبادان تۇراتىن جول كارتاسى قابىلداندى. ءسويتىپ, وبلىستا سورعى ستانسالارى, جاڭا قازاندىقتار سالىنىپ, ورال قالاسىنىڭ نەگىزگى جىلۋ ماگيسترالدارى جاڭارتىلدى. قازىرگى ۋاقىتتا №6 جانە №7 جىلۋ جەلىسىن جاڭعىرتۋ بويىنشا دا اۋقىمدى ءجۇمىس جۇرىپ جاتىر.
«كۇنى كەشە «WEST OIL» كومپانياسىنىڭ وكىلدەرىمەن كەزدەسىپ, ماڭىزدى جوبالاردى پىسىقتادىم. بولاشاقتا قالانى سۋمەن جانە جىلۋمەن جابدىقتاۋ جۇيەسى تولىق اۆتوماتتاندىرىلادى. باسقارۋ ورتالىعى وسى مەكەمەدە ورنالاسىپ, ماماندار تاۋلىك بويى مونيتورينگ جۇرگىزەدى. مۇنداي تسيفرلىق شەشىم كەز كەلگەن اقاۋدى جەدەل انىقتاپ, كوممۋنالدىق كاسىپورىنداردىڭ ۇزدىكسىز قىزمەتىن قامتاماسىز ەتۋگە مۇمكىندىك بەرەدى», دەيدى وبلىس اكىمى ناريمان تورەعاليەۆ.
بۇل اتقارىلىپ جاتقان كەشەندى ءىس-شارالار ءوڭىردىڭ ەنەرگەتيكالىق قاۋىپسىزدىگىن نىعايتىپ, كوممۋنالدىق سەكتوردىڭ سەنىمدىلىگىن جاڭا دەڭگەيگە كوتەرەدى.
توقاەۆ بىرنەشە جىلۋ ەلەكتر ستانتسياسىنا «تازا كومىر» تەحنولوگياسىن ەنگىزۋدى تاپسىردى