الدىن الا مالىمەتكە سايكەس, 36 جاستاعى ايەل بەسىنشى قاباتتان اۋەلى 2021 جىلى تۋعان قىزىن, كەيىن 2023 جىلى تۋعان ۇلىن تومەنگە تاستاعان. بالالار امان قالعانىمەن, اۋىر جاراقات الىپ, شۇعىل تۇردە جامبىل وبلىستىق كوپسالالى بالالار اۋرۋحاناسىنا جەتكىزىلگەن. قازىر ولار جانساقتاۋ بولىمىندە جاتىر.
بالالارىن تەرەزەدەن لاقتىرىپ جىبەرگەن ايەل قىلمىستىق جاۋاپكەرشىلىكتەن قۇتىلدى
جاريالانعان دەرەكتەرگە قاراعاندا, قايعىلى جاعدايعا دەيىن ايەل مەن جۇبايى اراسىندا جانجال بولعان. ەر ادام ۇيدەن شىعىپ كەتكەن. سونداي-اق ايەلدىڭ سوڭعى جىلدارى قاتتى باس اۋرۋىنان زارداپ شەككەنى ايتىلادى.
پاۆلودار تۇرعىنى بالالارىن بەسىنشى قاباتتان لاقتىرىپ, ارتىنان ءوزى سەكىرگەن
وسى فاكتى بويىنشا ەكى كامەلەتكە تولماعان بالانى ولتىرۋگە وقتالۋ دەرەگىمەن قىلمىستىق ءىس قوزعالدى. تەرگەۋ امالدارى باستالعانىن جامبىل وبلىسى پوليتسيا دەپارتامەنتى راستادى.
«كۇدىكتى ۇستالىپ, ۋاقىتشا ۇستاۋ يزولياتورىنا قامالدى. ەكى كامەلەتكە تولماعان بالا مەديتسينالىق مەكەمەگە جەتكىزىلدى. قازىرگى ۋاقىتتا بارلىق قاجەتتى تەرگەۋ ارەكەتتەرى جۇرگىزىلىپ جاتىر», دەپ حابارلادى پوليتسيا.
ۆەدومستۆو وكىلدەرىنىڭ ايتۋىنشا, ءىستىڭ بارلىق ءمان-جايى جان-جاقتى ءارى وبەكتيۆتى تۇردە زەرتتەلىپ, تەرگەۋ قورىتىندىسى بويىنشا زاڭ تالاپتارىنا ساي پروتسەسسۋالدىق شەشىم قابىلدانادى.
