كلۋبتىڭ نەگىزى قالانعان كۇنگە وراي تۇركىستان وبلىسى شاردارا قالاسىنداعى سپورت كەشەنىندە قول كۇرەسىنەن اۋداننىڭ اشىق بىرىنشىلىگى ءوتتى. جارىستىڭ اشىلۋ راسىمىندە اۋدان اكىمى, «شاردارا ارمسپورت» كلۋبىنىڭ نەگىزىن قالاۋشى ارمان قارسىباەۆ قاتىسۋشىلاردى ايتۋلى كۇنمەن قۇتتىقتاپ, قول كۇرەسى جاستاردى توزىمدىلىككە, تاباندىلىققا, وتانسۇيگىشتىككە تاربيەلەيتىن ماڭىزدى سپورت ءتۇرى ەكەنىن اتاپ ءوتتى.
بوكستان بۇرىنعى باس باپكەر قايرات ساتجانوۆقا كولىك پەن پاتەر كىلتى تابىستالدى
سونىمەن قاتار سالتاناتتى جيىندا ارمرەستلينگتەن جاسوسپىرىمدەر اراسىندا ءتورت دۇركىن الەم چەمپيونى جاسۋربەك مامانيازعا «شاردارا ارمسپورت» سپورتشىلارى اتىنان 5 بولمەلى تۇرعىن ءۇيدىڭ كىلتى تابىستالدى. وسىلايشا ەل نامىسىن قورعاپ, بيىك بەلەستەردى باعىندىرعان جاس چەمپيوننىڭ ەڭبەگى باعالانىپ, زور قۇرمەتكە بولەندى.
ايتا كەتەلىك, چەمپيوننىڭ اناسى – سەگىز ۇل-قىز تاربيەلەپ وتىرعان ارداقتى جان. سپورتشىلار تاراپىنان جاسالعان بۇل يگى ءىستى بارشا شاردارا جۇرتشىلىعى قولداپ, وتباسى قۋانىشىنا ورتاقتاستى.
