«بالالار اراسىنداعى بۋللينگ, توبەلەس, الىمجەتتىك جانە وزگە دە وسىنداي كەلەڭسىز نارسەلەرگە باسقارۋشىلىق تۇرعىدان دا, قۇقىقتىق تۇرعىدان دا باعا بەرىلۋى ءتيىس. بىراق, مۇنداي جاعدايلار بولعان كەزدە مەكتەپتىڭ ديرەكتورىن بوساتا بەرۋ, مەنىڭ ويىمشا – قيسىنسىز. وقۋ جىلىنىڭ ورتاسىندا وقۋشىلار اراسىندا وسىنداي جاعداي بولىپ, ءبىز ديرەكتوردى قىزمەتتەن بوساتا بەرەتىن بولساق, وندا بىزدە مەكتەپ ديرەكتورى شاق كەلمەيدى. سوندىقتان مۇنداي ۇلكەن پروبلەماعا جاۋاپكەرشىلىكتى تەك ديرەكتوردان ەمەس, جالپى قوعامنان, ونىڭ ىشىندە مەكتەپ اكىمشىلىگىنەن, اتا-انالاردان, پەداگوگتاردان, ءبىلىم بەرۋ باسقارمالارىنان, جانە ۋاكىلەتتى ورگانداردان دا تالاپ ەتۋىمىز كەرەك. وسىلايشا, پروبلەمانى جۇيەلى تۇردە شەشۋىمىز قاجەت», دەدى جۇلدىز سۇلەيمەنوۆا.
وقۋشى سىنىپتاسىنا بالتا الا جۇگىرگەن: مەكتەپ ديرەكتورى قىزمەتىنەن بوساتىلدى
وقۋ ءمينيسترى وسى وزەكتى ماسەلە بويىنشا وڭىرلەردە كەشەندى جۇمىستار جۇرگىزىلىپ جاتقانىن اتاپ ءوتتى.
«بۇگىنگى تاڭدا وقۋ-اعارتۋ مينيسترلىگىنىڭ الدىندا وسى وقۋشىلاردىڭ اراسىنداعى, جاسوسپىرىمدەر اراسىنداعى قۇقىق بۇزۋشىلىقتى مەيلىنشە ازايتۋ, سونىمەن بىرگە مەيلىنشە بۋللينگتىڭ الدىن الۋ مەن جويۋعا بايلانىستى كەشەندى, جۇيەلى شارالاردى قابىلداپ كەلەمىز. مەن وتكەن جىلى جامبىل, قىزىلوردا وبلىستارىنا بارىپ, كۇشتىك ورگاندارمەن بىرلەسىپ, پروكۋراتۋرانىڭ قىزمەتكەرلەرىنىڭ قاتىسۋىمەن كەلەلى كەڭەس وتكىزدىم. وتكەن اپتادا ءدال سونداي كەڭەستى مەنىڭ ورىنباسارىم تۇركىستان وبلىسىندا وتكىزدى. مۇنىڭ ءبارى جالپى وقۋ-اعارتۋ مينيسترلىگىنىڭ الدىندا بۋلينگ ماسەلەسىن رەتتەۋ بۇگىنگى تاڭداعى وزەكتى پروبلەما ەكەنىن ايقىندايدى», دەدى مينيستر.
قۇلسارىدا مەكتەپكە بالتامەن كەلگەن 10-سىنىپ وقۋشىسى قاماۋعا الىندى
ەسكە سالايىق, قۇلسارى قالاسىندا ا.س. پۋشكين اتىنداعى №6 مەكتەپتە 10-سىنىپ وقۋشىسى مەكتەپتە بالتامەن وزگە وقۋشىلاردى قۋىپ, قاۋىپ توندىرگەن بولاتىن. بۇل وقيعادان سوڭ قىزمەتتىك تەكسەرۋ جۇرگىزىلىپ, وقۋ ورنىنىڭ باسشىسىنا قاتاڭ سوگىس بەرىلدى. ال كەلەسى كۇنى مەكتەپ ديرەكتورى قىزمەتىنەن بوساتىلدى.
