سقو شال اقىن اۋدانىندا ارسىز الاياقتىق اشكەرەلەندى. 29 جاستاعى الاياق وتكەن جىلدىڭ جەلتوقسان ايىندا اۋدان ورتالىعى سەرگەەۆكانىڭ ءبىر تۇرعىنىنان اپكەسىنىڭ جەرلەۋىنە قاتىسۋعا بارايىن دەسە اقشاسى بولماي تۇرعانىن ايتىپ, ءمۇلايىمسىپ 50 مىڭ تەڭگە قارىز الىپ, تايىپ تۇرادى. ارتىنان بەلگىلى بولعانىنداي ونىڭ ەشقانداي اپكەسى جوق ەكەن.
قاڭتار ايىندا قارا جۇمىسشى بولىپ ءبىر كاسىپكەرگە جۇمىسقا ورنالاسادى. ەكى اپتا جۇمىس ىستەگەننەن كەيىن باسشىسىنا اناسىن «جەرلەۋگە» ماتەريالدىق كومەك سۇراپ جۇگىنەدى. ايەلدىڭ امان-ەسەن ەكەندىگىنەن ەشقانداي حابارى بولماعان كاسىپكەر ونىڭ ءوتىنىشىن جەرگە تاستاماي, 62 مىڭ تەڭگە بەرەدى. بۇدان كەيىن كۇدىكتى جۇمىسقا شىقپاعان.
اتالعان فاكتىلەر سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قىلمىستىق كودەكستىڭ «الاياقتىق» بابى بويىنشا ەنگىزىلدى.