قازاقستان رەسپۋبليكاسى كونستيتۋتسيالىق كەڭەسىنىڭ توراعاسى, ءال-فارابي اتىنداعى قازۇۋ-دىڭ تۇلەكتەر قاۋىمداستىعىنىڭ پرەزيدەنتى, زاڭ عىلىمدارىنىڭ دوكتورى, پروفەسسور قايرات ابدىرازاق ۇلى ءمامي جانە قازاقستان رەسپۋبليكاسى تۇڭعىش پرەزيدەنتى قورىنىڭ اتقارۋشى ديرەكتورىنىڭ ورىنباسارى يگور يۆانوۆيچ روگوۆ ۋنيۆەرسيتەتكە ات باسىن بۇرىپ, رەكتور جانسەيىت تۇيمەباەۆپەن قازۇۋ-دىڭ تۇلەكتەر كۇنىن ۇيىمداستىرۋ جانە وتكىزۋگە قاتىستى ماسەلەلەردى تالقىلادى.
2021 جىلى تۇلەكتەر قاۋىمداستىعى تۇلەكتەر كۇنىن 29 مامىردا وفلاين رەجيمىندە وتكىزۋدى جوسپارلاپ وتىر. ەلدەگى ەپيدەميولوگيالىق جاعدايعا بايلانىستى فاكۋلتەتتەر مەن كافەدرالارداعى كەزدەسۋلەر وتكەن جىلداعىداي – ZOOM پلاتفورماسىندا ونلاين تۇردە جۇزەگە اسادى.
كەزدەسۋ بارىسىندا بيىلعى تۇلەكتەر كۇنى قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالاتىندىعى كەلىسىلدى.
ءال-فارابي اتىنداعى قازۇۋ تۇلەكتەرىنىڭ ورتاق مەيرامى – تۇلەكتەر كۇنىنىڭ دايىندىعىن تالقىلاي وتىرىپ, قايرات ءمامي ء«ال-فارابي اتىنداعى قازۇۋ-دىڭ قازاقستان رەسپۋبليكاسىنىڭ تاۋەلسىزدىگىنە قوسقان ۇلەسى» اتتى جيناق شىعارۋدى ۇسىندى. بۇل يدەيانى قازۇۋ رەكتورى ج. تۇيمەباەۆ جانە تۇلەكتەر قاۋىمداستىعى پرەزيديۋمىنىڭ مۇشەسى, ز.ع.د., پروفەسسور يگور روگوۆ قولدادى.
كەزدەسۋ سوڭىندا اتاقتى قازۇۋ تۇلەكتەرى ۋنيۆەرسيتەتكە قازاقستان رەسپۋبليكاسىنىڭ تۇڭعىش پرەزيدەنتى-ەلباسى قورى شىعارعان «قازىرگى زامانعى قازاقستاندىق مەملەكەتتىلىكتىڭ قالىپتاسۋى مەن دامۋى» كىتابىن سىيعا تارتتى.