الماتى قالاسىنىڭ اكىمى باقىتجان ساعىنتاەۆتىڭ توراعالىعىمەن وتكەن جولاۋشىلار تاسىمالى سالاسىن دامىتۋ جونىندەگى كەڭەستە قوعامدىق كولىكتەردى جاڭارتۋ, كادرلار تاپشىلىعىن شەشۋ جانە جول قوزعالىسى قاۋىپسىزدىگىن ارتتىرۋ ماسەلەلەرى قارالدى.
ەكولوگيانى ساۋىقتىرۋ ماقساتىندا ديزەلدى اۆتوبۋستاردى گازبەن اۋىستىرۋ ماسەلەسى كەزەڭىمەن شەشىلۋدە. ديزەلمەن جۇرەتىن اۆتوبۋستار قالا ماڭى باعىتتارىنا اۋىستىرىلادى. تولىق اۋىستىرۋدى اياقتاۋ 2025 جىلعا دەيىن جوسپارلانعان.
بۇگىنگى كۇنى جولاۋشىلار تاسىمالداۋ ءۇشىن گازبەن جۇرەتىن 352 اۆتوبۋس, ديزەلدى وتىنداعى 1373 اۆتوبۋس, ەلەكتردىڭ تارتۋىنداعى 14 اۆتوبۋس, 160 تروللەيبۋس جولعا شىعۋدا. كۇن سايىن قوعامدىق كولىكتىڭ بارلىق تۇرىندە 1,1 ملن ترانزاكتسيالانۋدا.
بيىلعى جىلى جەكە تاسىمالداۋشىلار ەكولوگيالىق تازا جانارمايمەن جۇرەتىن 246 اۆتوبۋس ساتىپ الۋدى جوسپارلاۋدا. ونىڭ 208-ءى گازبەن, 38-ءى ەلەكتر تارتۋىمەن جۇرەدى.
سونىمەن قاتار, جاقىن ارادا «الماتىەلەكتروترانس» جشس-ءنىڭ قالعان 150 اۆتوبۋسى جەتكىزىلەدى دەپ كۇتىلۋدە. كولىكتەردى جانارمايمەن ۇزدىكسىز قامتاماسىز ەتۋ ءۇشىن اۆتوپارك جەكە جانارماي بەكەتىن ىسكە قوستى.
جۇرگىزۋشىلەر تاپشىلىعى ماسەلەسىن شەشۋ ءۇشىن «الماتىەلەكتروترانس» جشس-دا الەۋمەتتىك-تۇرمىستىق جاعدايلاردى جاساۋدا, اتاپ ايتقاندا تاماق ۇيىمداستىرىلىپ, قاجەتتى كيىم فورمالارى ساتىپ الىنۋدا. ىنتالاندىرۋ ءۇشىن سىيلىق اقشالار تولەنۋدە. بۇل جۇرگىزۋشى مەن قىزمەت كورسەتەتىن قۇرامنىڭ تاپشىلىعىن شەشۋگە مۇمكىندىك بەرۋدە. تەك اقپان ايىندا عانا 100 جۇرگىزۋشى قابىلداندى. الداعى ەكى ايدا تاعى 400 ادام جۇمىسقا قابىلداناتىن بولادى.
وتكەن ايدا 100 اۆتوبۋس جوندەلدى, الداعى ءۇش ايدا تاعى 90-ى ىسكە قوسىلادى, ال جىل سوڭىنا دەيىن قوسىمشا 100 بىرلىكتەگى كولىك جوندەلىپ, پايدالانۋعا بەرىلەتىن بولادى. بۇل شارالار جولاۋشىلارعا قىزمەت كورسەتۋدى جاقسارتىپ, كولىك باعىتتارىنىڭ سانىن ۇلعايتۋدا. جۇرگىزۋشىلەردىڭ جۇمىسىن باقىلاۋ ديسپەتچەرلىك قىزمەت ارقىلى جۇزەگە اسىرىلادى. «AET» جەكە باعىتتارىندا «ساپالى قىزمەت» پيلوتتىق جوباسى ىسكە قوسىلادى.
الماتى اكىمى ب. ساعىنتاەۆ قوعامدىق كولىكتەر تارپىنان بولاتىن جول-كولىك اپاتتارىنىڭ سانىن ازايتۋ ءۇشىن بارلىق اۆتوبۋستاردا بەينەباقىلاۋ كامەرالارىن ورناتۋدى تاپسىردى. بۇگىنگى كۇنى جەكە تاسىمالداۋشىلار اۆتوبۋستارىنىڭ 20%-ى بەينەباقىلاۋ جۇيەسىنسىز قالۋدا.
بۇدان وزگە, پوليتسيا دەپارتامەنتىنە قۇزىرلى مەملەكەتتىك ورگاندارمەن بىرلەسىپ جەلىگە تەحنيكالىق اقاۋى بار كولىكتەردى شىعارعاندارى جانە جۇرگىزۋشىلەردىڭ جكە بۇزعانى, جولاۋشىلارعا قىزمەت كورسەتۋدە ءتارتىپ نورمالارىن ساقتاماعاندارى ءۇشىن اۆتوپاركتەر باسشىلارىنىڭ جاۋاپكەرشىلىكتەرىن كۇشەيتۋ تاپسىرىلدى.
كەزدەسۋدى قورىتىندىلاعان الماتى اكىمى ب. ساعىنتاەۆ جولاۋشىلار تاسىمالىنىڭ ساپاسى مەن قاۋىپسىزدىگىن جاقسارتۋ ءۇشىن كۇندەلىكتى جۇمىس جاساۋدى تاپسىردى. تسيفرلاندىرۋ دەڭگەيىن كوتەرۋ جانە اۆتوپاركتەردىڭ باسقارۋ ۇردىستەرىنە جاڭا تەحنولوگيالاردى ەنگىزۋ قاجەت. سونداي-اق, جەكە اۆتوپاركتەردىڭ جۇمىستارىنا باقىلاۋدى كۇشەيتۋ جانە قوعامدىق كولىك ايالدامالارىن قالىپتى جاعدايدا ۇستاۋ تاپسىرىلدى.