بۇگىن وكق الاڭىندا الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى لاۋرا مىرزاعاليدىڭ قاتىسۋىمەن ىندەتكە قارسى ۆاكتسيناتسيا ماسەلەلەرى بويىنشا ءباسپاسوز كونفەرەنتسياسى ءوتتى, دەپ حابارلايدى Egemen.kz.
«اقپاننىڭ 1-ءى كۇنى ءبىزدىڭ ەمحانالارعا سپۋتنيك-V پرەپاراتىنىڭ 1 750 دوزاسى جەتكىزىلدى, ءدال وسىنشا مەديتسينا قىزمەتكەرى 1 كەزەڭدە ەكپە الدى. مەديتسينالىق سەبەپتەرگە بايلانىستى شەتتەتىلگەندەر دارىگەرلەردىڭ رۇقساتىنان كەيىن ەگىلەدى. ءۇش قىزمەتكەر وزدىگىنەن باس تارتتى. رەۆاكتسيناتسيا 22 اقپاندا باستالىپ, ءالى دە جالعاسۋدا. ەكىنشى كومپونەنتتى 1 379 قىزمەتكەر الدى. ناۋرىزدىڭ ءبىرى كۇنى الماتىعا تاعى 10 800 دوزا ۆيرۋسقا قارسى ۆاكتسينا جەتكىزىلىپ, ەكىنشى كەزەڭ باستالدى. 15 ەمحاناعا تاعى 24 مەديتسينالىق ۇيىم قوسىلدى. وسىلايشا, ەكىنشى كەزەڭگە 39 ەمحانا قاتىسۋدا. قازىر «قاۋىپتى ايماقتا» قىزمەت ەتىپ جۇرگەن مەديتسينا قىزمەتكەرلەرى ەكپە الۋدا. بۇگىنگى كۇنگە دەيىن 380 ادامعا ۆاكتسينا ەگىلدى», دەدى ول.
سونداي-اق, سپيكەر الماتى قالاسىنىڭ «سارى» ايماققا كوشۋىن ەسكەرە وتىرىپ, كارانتين شارالارىن ساقتاۋعا شاقىردى.
«وكىنىشكە قاراي, ەپيدەميولوگيالىق جاعداي بىزدە «جاسىل» ايماقتان «سارىعا» اۋىستى. سوندىقتان كارانتيندىك ەرەجەلەر مەن نورمالاردى ساقتاۋ قاجەتتىلىگى تۋرالى تاعى دا ەسكە سالعىم كەلەدى – بەتپەردە كيۋ, ءوز دەنساۋلىعى ءۇشىن ادامدار كوپ جينالاتىن ورىندارعا بارماۋ, الەۋمەتتىك قاشىقتىقتى ساقتاۋ. الماتىنىڭ «جاسىل» ايماقتا بولۋىنا جانە كوروناۆيرۋس قاۋپىنەن تەزىرەك قۇتىلۋىمىز ءۇشىن بىرگە ات سالىسايىق», دەدى لاۋرا مىرزاعالي الماتىلىقتارعا.