بۇگىن شىمكەنت قالاسىنداعى وقمۋ بازاسىندا العاش رەت جەتەكشى عالىمدار مەن دارىگەرلەر اراسىندا «رەسەي فەدەراتسياسى ترانسپلانتولوگياسىنداعى اكتۋالدى سۇراقتار مەن شىمكەنتتەگى جەدەل قىزمەتتىڭ دامۋى» تاقىرىبىندا ءۇش كۇندىك حالىقارالىق عىلىمي-تاجىريبەلىك كونفەرەنتسيا ءوز جۇمىسىن باستادى, دەپ حابارلايدى Egemen.kz.
كونفەرەنتسياعا قازاقستان, رەسەي, قىرعىستان, وزبەكستان ەلىنىڭ ماماندارى قاتىسۋدا.
كونفەرەنتسيانىڭ ءبىرىنشى كۇنىندە ءۇش جاقتى مەماراندۋمعا قول قويىلدى. ىنتىماقتاستىق تۋرالى ءۇش جاقتى كەلىسىم رەسەي فەدەراتسياسى جانە قازاقستاننىڭ عالىمدارى مەن دارىگەرلەرىنە تاجىريبە الماسۋعا, ترانسپلانتولوگيا سالاسىنداعى جەتىستىكتەرىن تانىستىرۋعا, شەبەرلىك دەڭگەيىن ارتتىرۋعا مۇمكىندىك بەرەتىن بولادى.
ەڭ باستىسى قالاداعى جەدەل مەديتسينالىق كومەك كورسەتەتىن ماماندار ماسكەۋ قالاسىنداعى ن.ۆ.سكليفوسوۆسكي اتىنداعى جەدەل جاردەم عىلىمي-زەرتتەۋ ينستيتۋتىندا بىلىكتىلىگىن ارتتىراتىن بولادى.
ايتا كەتەيىك, كونفەرەنتسيا بارىسىندا رەسەيلىك ماماندارمەن كۇردەلى وتا جاساۋ بويىنشا جەرگىلىكتى دارىگەرلەرگە شەبەرلىك ساباقتارى ۇيىمداستىرىلادى.