سەمەيدە «جەدەل جاردەم» اۋرۋحاناسى, زىرياندا 80 پاتەرلىك ءۇي بەرىلدى
جاڭا جىل قارساڭىندا سەمەي قالاسىندا وبلىس اكىمى بەردىبەك ساپارباەۆ سالتاناتتى جاعدايدا قۇنى 10 ميلليارد تەڭگە تۇراتىن «جەدەل جاردەم» اۋرۋحاناسىن اشتى.
سەمەيدە «جەدەل جاردەم» اۋرۋحاناسى, زىرياندا 80 پاتەرلىك ءۇي بەرىلدى
جاڭا جىل قارساڭىندا سەمەي قالاسىندا وبلىس اكىمى بەردىبەك ساپارباەۆ سالتاناتتى جاعدايدا قۇنى 10 ميلليارد تەڭگە تۇراتىن «جەدەل جاردەم» اۋرۋحاناسىن اشتى.
وعان دەنساۋلىق ساقتاۋ ۆيتسە-ءمينيسترى ەرىك ءبايجۇنىسوۆ قاتىستى. بۇل – «100 مەكتەپ, 100 اۋرۋحانا» باعدارلاماسى بويىنشا جۇزەگە اسقان ءىرى جوبا. «قۋانىشپەن بارلىق سەمەيلىكتەردى قۇتتىقتايمىن, الداعى ۋاقىتتا سەمەيدە ونكولوگيالىق ديسپانسەر, بالالارعا ارنالعان تۋبەركۋلەزگە قارسى ەمدەيتىن ەمحانا سالىنادى, دەمەك, سەمەيدە «مەديتسينالىق كلاستەر ءبىرىنشى بولىپ جۇزەگە اسادى, – دەدى جيىندا ءوڭىر باسشىسى. 325 توسەكتىك ەمحانانىڭ قۇرال-جابدىقتارىنا عانا 2 ميلليارد 800 ميلليون تەڭگە جۇمسالىپتى.
جاڭا جىل قارساڭىندا زىريان قالاسىندا «قولجەتىمدى باسپانا – 2020» باعدارلاماسى بويىنشا 80 پاتەرلىك تۇرعىن ءۇي پايدالانۋعا بەرىلدى. اۋدان اكىمى ەرماك ءسالىموۆ سەنبى كۇنى بۇل پاتەرلەردىڭ كىلتىن جاستارعا, ارداگەرلەرگە, دارىگەرلەر مەن ۇستازدارعا تابىس ەتىپ, كەلەر جىلى تاعى دا تۇرعىن ءۇي سالىناتىنىنان حاباردار ەتتى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.