ناۋرىزدىڭ العاشقى كۇنىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميا جانە حيميالىق تەحنولوگيا فاكۋلتەتىندە بەلگىلى حيميك-عالىم وسپانوۆا ءاليا قاپانقىزىنىڭ قۇرمەتىنە ارنالعان ونلاين-كونفەرەنتسيا ءوتتى, دەپ حابارلايدى Egemen.kz.
كونفەرەنتسياعا حيميا عىلىمدارىنىڭ دوكتورلارى – پروفەسسور ح.وسپانوۆ, پروفەسسور گ.شابىقوۆا, فاكۋلتەت دەكانى ح.تاسىبەكوۆ, قر سەناتىنىڭ دەپۋتاتى, پروفەسسور, قر ۇعا كوررەسپوندەنت-مۇشەسى ا.نۇق ۇلى, رەسەي عالىمى, پروفەسسور ن.ۋۆاروۆتار, سونىمەن بىرگە |نازارباەۆ ۋنيۆەرسيتەتى مەن حيميا جانە حيميالىق تەحنولوگيا فاكۋلتەتىنىڭ وقىتۋشى-پروفەسسورلىق قۇرامى مەن ستۋدەنتتەرى قاتىستى. كونفەرەنتسيا بارىسىندا ءسوز سويلەگەن عالىمنىڭ ارىپتەستەرى مەن شاكىرتتەرى ءاليا قاپانقىزىنىڭ اشقان عىلىمي جاڭالىقتارىنا, جۇمىس ىستەۋ تاسىلىنە ەرەكشە توقتالدى. عالىمنىڭ ءومىر جولى, جاساعان عىلىمي ەڭبەكتەرىنىڭ جاس عالىمداردى تاربيەلەۋدە ماڭىزى ەرەكشە.
ءاليا وسپانوۆا جوعارى جانە تومەن مولەكۋلالى ليگاندالار نەگىزىندە بەلگىلى ءبىر قاجەتتى قاسيەتتەرگە يە كۇردەلى كوورديناتسيالىق قوسىلىستار الۋدىڭ فيزيكا-حيميالىق نەگىزدەرىن قۇرعان ايتۋلى عالىم. عالىمنىڭ بيومەديتسيناعا ارنالعان انتيباكتەريالدى جابىندار الۋعا قوسقان ۇلەسى زور. 2006 جىلى ءاليا قاپانقىزى عىلىم مەن تەحنيكانىڭ دامۋىنا ەرەكشە ۇلەس قوسقان عالىمدار مەن مامانداردىڭ مەملەكەتتىك ستيپەندياسىنا يە بولعان, 2006 جانە 2011 جىلدارى «جوو-نىڭ ۇزدىك وقىتۋشىسى», ال 2010 جىلى ء«بىلىم بەرۋ ءىسىنىڭ قۇرمەتتى قىزمەتكەرى» اتاندى. ءال-فارابي اتىنداعى قازاق ۇلتتىق ۋنيۆەرسيتەتىنىڭ كۇمىس جانە التىن مەدال يەگەرى.